மனம் மற்றும் வாஸ்து பற்றிய பயிற்சி பட்டறை

24-08-2014 அன்று சேலம் அடையார் ஆனந்த பவன் அரங்கத்தில் வைத்து நடைபெற்ற “திரு.ஆண்டாள் பி.சொக்கலிங்கம் அவர்களின் ஒரு நாள் பயிற்சி வகுப்பில் 8 மணி நேரம் உரையாடலுக்கு பின்

https://www.facebook.com/media/set/?set=a.392862454199665.1073741830.155239641295282&type=1

ஆண்டாள் அருளால் ஸ்ரீவில்லிபுத்தூர் ஆண்டாள் கோவில் தங்க விமான திருப்பணிக்கு Rs.26,62,000/-(ரூபாய் இருபத்தி ஆறு இலட்சத்தி அறுபத்தி இரண்டாயிரம் மட்டும்) பணம் திரட்டி கொடுக்கப்பட்டது .

எல்லா புகழும் ஆண்டாளுக்கே….

Daily Tips, Media , , , ,

கடிதம் – 13 – காதல்

கடிதம்  13 –  காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

இல்லாத வெற்றிடத்தை நிரப்ப இறைவனால் நேரடியாக படைக்கப்பட்டு பூமிக்கு வந்தவர்கள் – என்பது போல் ஒரு வாழ்க்கை ஒவ்வொரு காதலர்களுக்கும்….

உடல் ரீதியாக, மனரீதியாக என காதலர்களை இரண்டு வகையாக வகைப்படுத்தலாம்…

முதல் காரணம் பற்றி பேச தேவையேயில்லை….

மனரீதியாக ஒன்றி நான் என் துணையை காதல் மூலம் பெற்றெடுத்தேன் என்று சொல்பவர்களை பகுத்தாய்ந்து பார்த்தோமேயானால்

  1. பாசம் அதிகம் கிடைக்கப் பெற்றவர்களும்
  2. பாசத்தை துளி கூட கிடைக்கப் பெறாதவர்களும்
  3. ஒற்றை குழந்தையாக பிறந்தவர்களும்
  4. தனிமை விரும்பிகளும்          – என

நான்கு பிரிவுகளாக பிரிக்கலாம். இதில் காதலர்கள் எந்தப் பிரிவை சார்ந்தவர்கள் என்றாலும் பாதிக்கப்படுவது பெற்றோர்கள் மட்டுமே….

பெற்றோர்கள் தன் சொந்த குழந்தையை எத்தனை சிறப்பாக வளர்த்து இருந்தாலும்; உலகில் உள்ள அத்தனை சந்தோஷங்களையும் கொடுத்து வளர்த்து இருந்தாலும்; தங்கள் தகுதிகேற்ப, சில இடங்களில் தங்கள் சுய தகுதியையும் மீறி படிக்க வைத்து சீராட்டி, பாராட்டி தூக்கி கொண்டாடி அக மகிழ்ந்து இருந்தாலும் தங்கள் குழந்தை காதல் வயப்பட்டு இருக்கின்றது என்கின்ற விஷயம் தெரிய வரும்போதே அவர்கள் 10 முறை சுடுகாட்டில் பிணமாக எரிக்கப்பட்ட உணர்வை அடைந்து விடுகிறார்கள். சில இடங்களில் பெற்றோர்களின் எதிர்ப்பை மீறியும், பல இடங்களில் பெற்றோர்களின் அனுமதியுடனும் காதல் திருமணங்கள் நடைபெற்றாலும் இரண்டு தரப்பு பெற்றோர்களும் 100 முறை மரித்து, மறைந்து போய் இருந்தும் இல்லாத வாழ்க்கையை தலையில்லாத முண்டம் வாழ்வது போல் வாழ்ந்து கடைசியாக உடல் ரீதியாக மறைகிறார்கள் என்பது தான் எதார்த்த உண்மை….

ஒரே ஜாதியாக இருந்தாலும், வெவ்வேறு ஜாதியாக இருந்தாலும், வெவ்வேறு இனம், மதம் சார்ந்தவர்களாக இருந்தாலும் பெற்றோர்கள் நமக்காக படப்போகும் கஷ்டத்தை காதலை துவங்குவதற்கு முன் ஒவ்வொரு காதலர்களும் நினைத்து பார்க்க வேண்டும்…

என்னை பொறுத்தவரை ஒவ்வொருவருடைய வாழ்க்கையிலும் ஒரு நிமிடமாவது

காதலிக்கப்படாத பெண்களும் இல்லை…..

காதலிக்கப்படாத ஆண்களும் இல்லை…..

யாரும் எந்தக் காலத்திலும் இந்த விதிக்கு விதிவிலக்காக இருந்து இருக்க முடியவே முடியாது. பெரும்பாலோனர் வாழ்க்கையில் அது சில முறை அல்லது பல முறை வந்து போய் இருக்கலாம். என் வாழ்க்கையிலும் சில பெண்கள் திருமணத்திற்கு முன்பும், பின்பும் வந்ததுண்டு…. அந்த வகையில் என் சொந்த அனுபவத்தில் சில கருத்துக்கள் உங்கள் எல்லோர் பார்வைக்கும்:-

  1. பெற்றோர் பார்த்து வைக்கும் பெண்ணை திருமணம் செய்து கொள்பவர்கள் தெரிந்து கொள்ள வேண்டிய ஒரு விஷயம் தள்ளுதலும், கொள்ளுதலும் தான் வாழ்க்கை என்பதை தான். இவ்வகை திருமணங்கள் நடைபெறும் போது பெற்றோர்கள் மனரீதியாக சந்தோஷமாக இருப்பார்கள் என்பதால் அந்த சந்தோஷமே இளம் கணவன், மனைவி – க்கு அடுத்த கட்டத்தை காண்பிக்கும். இருந்தாலும்  இதுபோன்ற திருமணங்களில் கணவர் சரியில்லாததால் தான் மாமியார் – மருமகள் சண்டை, ஸ்டவ் வெடிப்பு, விவாகரத்து, துர்மரணம், தனித்து வாழ்வு, மனகஷ்டம் என்பவை ஏற்படுகின்றது எனபது முக்கியமாக கவனத்தில் நிறுத்த வேண்டிய விஷயமாகும். ஒரு கணவனின் எதிர்பார்ப்பு உடல் ரீதியாக, மனரீதியாக பூர்த்தியாகாமல் போகின்ற போதும், அதிகமான அல்லது குறைவான எதிர்பார்ப்பும் தான் பெற்றோர் பார்த்து வைக்கும் திருமணங்களில் பல தோல்வி அடைவதற்கு காரணமாகும்.

பெற்றோர்களால் நிச்சயிக்கப்பட்ட திருமணங்கள் :–

பெற்றோர்களால் ஜாதகம், சாதி, மதம் பார்த்து நடத்தக் கூடிய திருமணங்கள் நிறைய விவகாரம் ஆகி விவகாரத்தில் முடிவடைகின்றதே என என்னிடம் கேட்டால் கடுமையான யுத்த பூமியில் யுத்தங்களுக்கு நடுவே யுத்தத்திற்கு சம்பந்தமே இல்லாதவர்கள் மடிவது எப்படி இயற்கையோ அதுபோல் பெரிய விஷயத்தை பற்றி பேசும்போது சிறிய சங்கடங்களை ஊதி பெரிது பண்ணாமல் தவிர்ப்போம்.

  1. பெற்றோர்கள் பார்த்து சொல்பவரை திருமணம் செய்யாமல் தங்கள் துணையை தாங்களே தேர்ந்தெடுக்க கூடிய காதலர்களுக்கு நான் சொல்ல விரும்புவது:-

உங்கள் முடிவு 100% சரியானதாக இருக்கலாம். உங்களுக்கு 200% மகழ்ச்சியான வாழ்க்கை கிடைக்கலாம். உங்களுக்கு அருமையான பிள்ளைகள்  பிறக்கலாம். ஊர் மெச்சக் கூடிய அளவிற்கு பணமும், புகழும் கிடைக்கலாம். இராமபிரான் போன்ற கணவனோ, சீதா பிராட்டியார் போன்ற மனைவியோ கிடைக்கலாம். இது போன்ற இணை இவ்வுலகில் பார்க்க முடியாது – “Made for each other” Wills cigarette விளம்பரம் போல ஜோடி என ஒட்டுமொத்த உலகமே பாராட்டலாம். ஆனால் ஒரே ஒரு விஷயத்தை மட்டும் ஞாபகம் வைத்து கொள்ளுங்கள்.

உங்கள் சந்தோஷமானது உங்கள் பெற்றோர்களை உயிருடன் மண்ணில் புதைத்த சமாதி மேல் தான் தொடங்குகிறது என்பதை நினைவில் கொள்ளவும். காதல் திருமணம் செய்தவர்கள் காதலித்தவர்களை விட தத்தமது பெற்றோர்களை எப்போதும் நன்கு பார்த்து கொள்ளுவது அவசியம். பெற்றோர்களிடம் மானசீகமாக மன்னிப்பு கேளுங்கள். அடிவயிற்றில் இருந்து கேட்கக் கூடிய மன்னிப்பாக அது இருக்க வேண்டும்.

உங்கள் ஜோடிக்கு எத்தனையோ பாராட்டுகள் கிடைத்தாலும், உங்கள் பெற்றோர்களே அதை கண்டு புளகாங்கிதப்பட்டாலும் ஓரத்தில் – நெஞ்சு ஓரத்தில், ஒரு இம்மியளவிற்கு ஒரு துளி கஷ்டமிருக்கும் அவர்களுக்கு கண்டிப்பாக….

அவர்களின் அந்த ஒரு துளி கஷ்டம் அதுபோல் ஓராயிரம் மடங்கு கஷ்டத்தை நமக்கு நிகழ்காலத்திலும், பிற்காலத்திலும் ஏதோ ஒரு வகையில் கொடுக்கவல்லது – அவர்கள் அதற்கு பிரியப்படாவிட்டாலும் கூட…..

நம் வாழ்க்கை முறையில் பெற்றோர், உற்றார், உறவினர்கள் இல்லாத யார் வேண்டுமானாலும் காதல் திருமணம் செய்து கொள்ளலாம். யாருக்கும் எந்த பிரச்சினையும் இல்லை. ஆனால் எல்லா சொந்தங்களும் அமையப் பெற்றவர்களின் காதல் திருமணங்கள் நல்ல முடிவாக இருக்கவும் முடியாது. நல்ல செயலாக கருதவும் முடியாது.

இந்த இடத்தில் பெற்ற தாயை கொன்றால் கூட பிராயசித்தம் உண்டு… செய்நன்றி கொன்றவர்களுக்கு எந்த ஒரு சூழ்நிலையிலும் மன்னிப்பும் கிடையாது; பிராயசித்தமும் கிடையாது என்று இராமர் சொல்லியதாக நான் படித்த விஷயத்தை பெற்றோரிடம் நன்றி மறந்த ஒவ்வொரு காதலர்களுக்கும் ஞாபகப்படுத்த விரும்புகின்றேன்.

அதேபோல் காதலித்து திருமணம் செய்து கொண்டவர்கள் தங்கள் திருமணத்திற்கு பிறகு ஒரே ஒரு முறை தங்கள் மனைவியை அடித்து இருந்தால் கூட அந்தத் திருமணம் தோல்வி திருமணம் தான் என்பதையும் நினைவில் நிறுத்திக் கொண்டு காதல் மனைவியை நன்கு பார்த்துக் கொள்ளவும்.

  1. என்னை போன்று காதல் செய்து அப்பா / அம்மாவிற்கு என பரிதாபப்பட்டு, குடும்ப சூழ்நிலைகளை காரணம் காட்டி பெற்றோர் பார்த்த வரனை திருமணம் செய்பவர்களுக்கு நான் சொல்லிக் கொள்வது:-

பெற்றோரை ஏமாற்றுவதை விட கொடிய பாவம் காதலித்தவர்களை ஏமாற்றுவது தான்….

இதற்கு என்ன தண்டனை என்பது தீர்மானிக்கவே முடியாத ஒன்று. உலகில் உள்ள அத்தனை கஷ்டங்களையும் ஒரே சமயத்தில், ஒருங்கே அனுபவித்தால் கூட ஒருவர் மற்றொருவருக்கு செய்த நம்பிக்கை துரோகித்திற்கு சரியான தண்டனையாக இருக்க முடியாது என்பதே என் கருத்து.

இந்த இடத்தில் பெற்றோரை ஏமாற்றும் காதலர்களுக்கு மன்னிப்பே கிடையாது என்பதையும் காதலர்கள் காதலுக்கு பின் ஒருவரை ஒருவர் ஏமாற்றி விட்டு வேறு ஒருவரை திருமணம் செய்து கொள்ளும் சூழ்நிலை ஏற்படும் போது அந்த ஏமாற்றிய நபரின் குற்றத்திற்கு தண்டனையே இதுவரை கண்டு பிடிக்கப்படவில்லை என்பதையும் காதல் திருமணம் செய்தபிறகு மனைவியை துன்புறுத்துபவருக்கு, மனைவியை நிர்கதியாக ஆக்குபவருக்கு, தன்னை நம்பி வந்த பெண்ணை நிர்மூலமாக்குபவனுக்கு உலகம் இருக்கும்வரை திரும்ப, திரும்ப மனிதனாக பிறந்து துன்பப்பட வேண்டியது இருக்கும் என்பதையும் ஞாபகப்படுத்த விரும்புகின்றேன்.

காதல் தோல்வியும் வேண்டாம்

காதல் வெற்றியும் வேண்டாம்

மொத்தத்தில் காதலே வேண்டாம் என்பது என் கருத்து.

  1. என்னை போன்று உண்மையான காதலியை ஏமாற்றியவர்களுக்கு:-

உண்மையான காதலை தோற்கடித்து ஏமாற்றியவர்கள் தயவு செய்து  நீங்கள் எவ்வளவு நல்ல வாழ்க்கை வாழ்ந்தாலும் ஒரு நாளில் ஒரு முறையாவது உங்களால் ஏமாற்றப்பட்டவர் நன்றாக இருக்க வேண்டும் என்று பிரார்த்தனையாவது செய்யுங்கள் அல்லது ஒரு நாளில் ஒரு முறையாவது உங்களால் ஏமாற்றப்பட்டவரை நினைவுக்கு எடுத்து வர பழகுங்கள்.

என் காதலியை நான் பார்த்த போது என் காதலி அணிந்திருந்த உடையின் நிறமானது எனக்கு பிடித்த, எனக்கு பிடிக்கும் என்று அவளுக்கு மட்டும் தெரிந்த, எனக்கு பிடித்ததால் அவளுக்கும் ரொம்ப, ரொம்ப பிடித்து போன இராமர் நீலத்தில் தான்.

அந்த ஞாபகத்தில் என்னுடைய எல்லா நல்ல தருணங்களிலும், நீல நிற வண்ண சட்டை அணிந்து சந்தோஷப்பட்டு கொள்வேன்…. அப்பாவை காப்பாற்றினோம் என்ற சந்தோஷத்துடன்…..

 

வாழ்க வளமுடன்

என்றும் கண்ணீருடன்….

ஆண்டாள் பி. சொக்கலிங்கம்

Daily Tips , , , , ,

இளையராஜாவும் ஆண்டாளும்….

DSC_0232

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

ஆண்டாள் அருளால் இசை சித்தர், இசைஞானி இளையராஜா அவர்களுடன் இன்று (05-09-2014) சந்திக்க வாய்ப்பு கிடைத்தது. அவரை வடபழனி Prasad Studio – வில் வைத்து 1½ மணி நேரத்திற்கு மேலாக சந்தித்து உரையாடினேன்.

இளையராஜாவை பற்றி ஒரு வார்த்தை பேசுவதற்கு கூட என்னை போன்ற சாமானியனுக்கு தகுதி இல்லை என்பது மட்டும் நிஜம் என புரிந்தது அவரை சந்தித்த பிறகு….

இளையராஜாவுடன் என்ன பேசினேன்; எதற்காக சந்தித்தேன்; இசைஞானி என்ன சொன்னார் என்பதை ஸ்ரீவில்லிபுத்தூர் ஆண்டாள் கோவிலில் வைத்து பத்திரிகையாளர்கள் முன்னிலையில் சொல்வேன் – வெகு விரைவில்…

எல்லா புகழும் ஆண்டாளுக்கே….

எல்லாம் ஆண்டாள் சித்தப்படி….

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips, Media, TV Shows , , , ,

கடிதம் – 12 – காதல்

கடிதம்  12 காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

என் அப்பா மறைந்த 2 மாதங்களுக்கு பிறகு, நீர் இல்லாமல் வாழ்ந்து கொண்டிருந்த மீன் போல இருந்த என்னை, என் நண்பன் ஒருவன் பார்க்க வந்தான் ஒரு செய்தியோடு….  என் காதலி சொன்னதாக அவன் என்னிடம் சொன்ன செய்தி இது தான்.

-    என் சொக்கு எந்த முடிவெடுத்தாலும் அது சரியாக இருக்கும். அவனைப்பற்றி எனக்கு நன்கு தெரியும் அவன் எந்தளவிற்கு என்னை நேசித்தான் என்று.

அவன் கண்டிப்பாக பணத்திற்காகவோ, ஊர் ஜனத்திற்காகவோ, என்னை விட அழகான பெண் கிடைத்து இருப்பாள் என்பதற்காகவோ, படிப்பிற்காகவோ, நல்ல பெயர் வாங்க வேண்டும் என்பதற்காகவோ, நான் ஏழை என்பதற்காகவோ வேறு எதற்கோ ஆசைப்பட்டோ என்னை நிராகரித்து அந்த பெண்ணை தேர்ந்து எடுத்திருக்க மாட்டான்.

அவன் அப்பாவின் மனம் புண்படக் கூடாது என்ற ஒரே காரணத்திற்காக மட்டும் தான் இந்த திருமணத்திற்கு அவன் சம்மதித்து இருப்பான்…  அவன் செய்தது மிக சரியான விஷயம். காரணம் அவன் அப்பா அவனுக்கு என்னவெல்லாம் செய்தார்; எப்படி அவனை வளர்த்தார்; அவனுக்காக அவன் அப்பா செய்த தியாகங்கள், எந்தளவிற்கு அவனை அவன் அப்பா நம்பினார் என்பது எனக்கு மட்டும் தான் தெரியும். அவனுக்கு கிடைத்தாற்போல் அப்பா எனக்கும் கிடைக்கவில்லை…. யாருக்கும் கிடைக்காது என்பதும் எனக்கு தெரியும். அந்த வகையில் அவன் அப்பா தன் செல்ல மகனை நினைத்து கஷ்டப்படாமல், சந்தோஷத்துடன் இறந்து போயிருக்கிறார்.

சொக்கு என் ஒருத்திக்கு வேண்டுமானால் மிகப்பெரிய கஷ்டத்தை கொடுத்திருக்கலாம்… ஆனால் அவன் வேறு ஒரு பெண்ணை திருமணம் செய்ய எடுத்த முடிவானது என்னைத்தவிர என் குடும்பத்தினருக்கும், அவன் குடும்பத்தினருக்கும் குறிப்பாக அவன் தந்தைக்கும் அவன் எடுத்த முடிவால் சந்தோஷம் மட்டுமே கிடைத்துள்ளது என்பது மறுக்க முடியாத உண்மை….

சொக்கு என் பிரிவையும், அவங்க அப்பா பிரிவையும் தாங்கும் அளவிற்கு வலிமையானவன் அல்ல…. எனக்கு அவனை திருமணம் புரியாமல் போனதற்கு எந்த அளவிற்கு வலி உள்ளதோ அதே வலி அவனுக்கும் இருக்கும் என என்னால் உறுதியாக சொல்ல முடியும். இது தான் Life…. அவனை தைரியமாக இருக்க சொல்லு… திருமணம் ஆகி வந்த பெண்ணால் அவன் அப்பா இறந்து விட்டார் என அவன் வீட்டு ஜனங்கள் சொல்லக்கூடும்…  தயவு செய்து என் சொக்குவின் மனைவியை நன்கு பார்த்துக்க சொல்லு சொக்குவிடம்.

இந்த இடத்தில் அவன் செய்த ஒரே தவறு என்று நான் சொல்ல விரும்புவது என்னிடம் அவன் திருமணம் சம்பந்தமாக பேசாமல் மறைத்த விஷயத்தை தான். அவன் எடுத்த முடிவை நேரடியாக அவன் என்னிடம் சொல்ல கஷ்டப்பட்டு சொல்லாமல் இருந்து இருக்கலாம்…   It’s ok… நேரிலோ / போனிலோ நான் ஆறுதல் கூறினால் அவனுக்கு கிடைத்த பெண் கஷ்டப்படுவாள். என் சொக்குவின் மனைவி வாழ்க்கை என்னால் கெட்டுப் போக நானே காரணமாகி விடக்கூடாது – எனவே என்னை தொடர்பு கொள்ள எந்த காலத்திலும் அவன் முயற்சிக்க கூடாது. நான் யாரையாவது திருமணம் செய்து கொள்கின்றேன். அவனை அவளை நன்றாக வைத்துக்க சொல்லு….

காதல் தோல்வி கூட அனுபவித்து பார்த்தால் ஒரு வகையான சுகம் தான் என்பதை மெய்ப்பிப்பது போல் இருந்தது அவளுடைய வார்த்தைகள்.

கடைசி பந்தில் 5 ரன் தேவை என்கின்ற நிலையில் ஒரு சிக்ஸர் அடித்து ஒரு அணி வெற்றி பெற்றது போல இருந்தது என் காதலியின் வார்த்தைகள் எங்கள் காதலுக்கு எழுதிய முடிவுரையானது.

கடைசி அத்தியாத்திற்கு பின் முடிவுரை எழுதுவார்கள்… எனக்கோ என் வாழ்க்கையின் முதல் அத்தியாயமே ஒரு சிறப்பான முடிவுரைக்கு பின் தான்…

வழுக்கு பாறைகளை நம்பி நின்ற வானம்பாடியின் கதை என்னுடையதாகி போனது…

கரை இல்லாத கடற்கரை கிடையாது என்கின்ற உண்மை புரிந்தது….

எத்தனையோ முறை குழந்தை பருவத்திலிருந்து விளையாடியிருக்கிறோம் குழந்தைகளாகவும் இருந்திருக்கிறோம். விளையாடிய போதும், இருந்த போதும் நான் வட துருவமாகவும், அவள் தென் துருவமாகவும் தான் இருந்துள்ளோம்… கால ஓட்டம், இயற்கை, தத்துவம், விஞ்ஞானம் வட / தென் துருவத்தை ஒன்றிணைத்தது….

விஞ்ஞானத்தை முறியடித்தது மெய்ஞானம். வட துருவம் / தென் துருவம் மீண்டும் பிரிந்தது. எப்பொழுதும் துவங்கிய இடத்தில் தானே வாழ்க்கை துவங்கும் என்பதற்கு என் கதையும் விதிவிலக்காக இல்லாமல் போய்விட்டது விதி வலியது…. சாதாரண இரும்புதுண்டாக மக்கிபோய் இருந்த எனக்கு என் காதலியின் உறுதியான வார்த்தைகள் என்னை விசையூட்டப்பட்ட காந்த துண்டாக மாற்றி விட்டது.

என் தந்தையின் ஒரே ஆசை அவர் பார்த்த பெண்ணை திருமணம் செய்து கொள்ள வேண்டும் என்பதால் என் காதலை அவரிடம் எப்போதும் சொல்ல முடியவில்லை. சொல்லி இருந்தால் அதற்கு அவர் ஒத்தும் கொண்டிருந்திருப்பார் அல்லது விஷயம் கேள்வி பட்ட அன்றே மனதளவில் இறந்தும் போயிருந்திருப்பார்.

மான் இறந்தால்தான் சிங்கம் வாழ முடியும்….  என்கின்ற இயற்கை சமன்பாட்டு கோட்பாடுக்கு ஏற்ப ஏன் தந்தை வாழ என் காதலை கொலை செய்தேன்…  மானை கொன்ற சிங்கத்திற்கு என்ன தண்டனையோ அதைவிட 100 மடங்கு தண்டனை  எனக்கு கிடைத்தாலும் அதை சந்தோஷமாக ஏற்றுக் கொள்வேன்.

காதல் தோல்விக்கு பிறகு நான் காதலித்தவளை முன்பு இருந்ததை விட இன்னும் அதிகமாக இன்று வரை நேசிக்கிறேன்; காதலிக்கிறேன்; காதலிப்பேன்.

நல்ல காதலை தோற்கடித்தவன் நான் என்பதால் நரகம் என்று ஒன்று இருந்தால் கண்டிப்பாக எனக்கு அங்கு ஒரு இடமுண்டு என்பதை என்னால் உறுதியாக சொல்ல முடியும்…

நான் எதிர்பார்க்கவில்லை என்னை காதலித்தவளுக்கு இவ்வளவு தீர்க்கமான பார்வை இருக்குமென!!…

நான் யோசிக்கவில்லை என் காதலி யோசித்த அளவிற்கு!!…

இந்த இரண்டும் புரிந்த பிறகு

காதல் தோல்விக்கு பின் என் காதலியின் வார்த்தைகள் என்னை சகஜ நிலைக்கு கொண்டு வந்தது…

என் கண்ணீரும் நின்றது…

காதல் தோற்றாகி விட்டது…

கல்யாணம் நடந்து விட்டது…

இப்போ தான் நல்லா இருக்கிறேனே?…

ஏன் இந்த காதல் கதை கடிதங்கள் என்கின்ற கேள்விக்கு என் பதில்…

நான் என் காதலைப் பற்றி விவரிக்க இந்த கடிதம் எழுதவில்லை…. என் காதல் கற்று கொடுத்த பாடங்களை நீங்களும் படிக்க வேண்டிய நேரம் வந்துவிட்டது…

படித்து முடிப்போம்__________காதலை  -  அடுத்த கடிதத்தில்

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , , , ,

கடிதம்– 11– காதல்

கடிதம்– 11– காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

பெண் பார்க்க செல்வதென முடிவெடுத்த பிறகு மதுரை சென்று என் கூட படித்த நண்பனை துணைக்கு கூப்பிட்டு கொண்டு என் பாட்டியுடன் சென்றேன் நெல்லை மாநகருக்கு…

நெல்லையப்பர் கோவிலில் வைத்து பெண்ணை பார்க்கிறேன் என்று சொன்னதால் பெண்ணும், அவள் உறவினர்களும் அங்கு ஏற்கனவே வந்திருந்து எனக்காக காத்திருந்தனர்…

எனக்கு எப்போதும் பிடித்த நீல வண்ண கலரில் அழுக்கு சட்டையுடன் ஆர்வமில்லாமல், கையில் வாட்ச் அணியாமல், எந்தவித ஆர்ப்பாட்டமில்லாமல் பார்த்தவுடன் என்னை எந்தப் பெண்ணிற்கும் பிடிக்கவே கூடாது என்கின்ற நோக்கத்துடன் கோவிலினுள் பெண் இருக்கும் இடத்திற்கு சென்றேன்… பெண்ணை பார்த்தேன்… பெண்ணிற்கு என்னை ரொம்ப பிடித்து போய்விட்டது என்பது அந்த பெண்ணின் முக சிரிப்பிலிருந்து தெரிந்தது. பெண் பார்க்கும் படலத்தை முடித்து கொண்டு இருப்பிடம் திரும்பி, தீவீரமான யோசனையில் ஈடுபட்டேன். அந்த யோசனையில் மூன்று விஷயங்கள் எனக்கு முக்கியமாக பட்டது நான் சரியான முடிவெடுக்க….

1. இந்தப் பெண் எனக்கு பிடித்திருக்கிறதோ இல்லையோ என் அப்பாவிற்கு பிடித்திருக்கிறது… அவருடைய ஒரே சந்தோஷத்திற்காக என் சந்தோஷத்தை விட்டு கொடுப்பதில் தவறில்லை….

2. நான் பார்த்த பெண்ணின் பெயர் பத்மா… ஆண்டாள் எனக்கு ஏதோ செய்தி அனுப்பியிருக்கிறாள் என்பதை 100% சதவீதம் ஊர்ஜிதமாக நம்பினேன்… அந்த நம்பிக்கை தான் எனக்கு அந்த பெண்ணை விட பெண்ணின் பெயரை பிடித்து போக வைத்தது…

3. என்னை பார்த்த நொடியே என்னை தனதாக்கி கொண்டது போல் ஒரு சந்தோஷத்தை தன் முகத்தில் கொண்டு வந்த பெண்ணா? அல்லது தனக்கென்று எந்த சந்தோஷமும் இல்லை எனக்கு சொக்கு சந்தோஷமே என் சந்தோஷம் என எனக்காகவே வாழ்ந்துவரும் வரும் காதலியா?….

தீவிரமான யோசனைக்கு பிறகு பெண்ணை பார்த்த அடுத்த நாள்,

Feb 19, 1999(வெள்ளிக்கிழமை)- பெண்ணை எனக்கு பிடித்து இருக்கின்றது என்று phone செய்து என் தந்தையிடம் சொன்னேன்…

என் வாழ்க்கையில் நான் எடுத்த மிக கடினமான முடிவு இதுவாக தான் இருக்கிறது இன்று வரை…

Feb 26, 1999(வெள்ளிக்கிழமை)- திருமண நிச்சயதார்த்தம் நடந்தது

April 05, 1999(ஞாயிற்றுக்கிழமை)- திருமணம் திருச்செந்தூர் கோவிலில் வைத்து நடந்தது.

எது நடந்ததோ அது நன்றாக நடந்தது….

எனக்கு May 30, 1999 – க்குள் திருச்செந்தூர் கோவிலில் வைத்து திருமணம் நடக்கும் என 100% தெரியும் – அதற்கு காரணம் என்னுடைய அப்போதைய வழிகாட்டியான ஒரு ஜோதிடரின் மேல் எனக்கிருந்த நம்பிக்கை தான்…

April 05, 1999 என் திருமணம் முடிந்த தினத்தில் இருந்து May 30, 1999 – வரை May 30 என்ன நடக்க போகின்றது என்று அந்த நாளை எதிர்பார்த்து இருந்தேன்… நான் எதிர்பார்த்த அந்த குறிப்பிட்ட நாளில் நடந்த சம்பவத்தை நான் துளி கூட எதிர்பார்க்கவில்லை…

May 28, 1999(வெள்ளிக்கிழமை)- என் தந்தை உடல் நலக் கோளாறினால் மருத்துவமனையில் அனுமதிக்கப்பட்டார்

May 30, 1999(ஞாயிற்றுக்கிழமை)- என் தந்தை தவறான மருத்துவ சிகிச்சையினால் மரணமடைந்தார்.

எது நடக்க கூடாதோ அதுவும் சரியாக நடந்தது…

எதிர்பார்த்தது கிடைக்காத எனக்கு எதிர்பாராததும் கிடைத்தது கண்டு துவண்டு போனேன்…

உயிரின் இழப்பை கண்டு துடித்தேன்…

அணு அணுவாய் துன்பத்தை உணர்ந்தேன்…

May 30, 1999 காலை 6:44 க்கு உயிரோடு இருந்தவர் காலை 6:45 க்கு உயிரோடு இல்லை என்கின்ற கொடுமையை என்னவென்று சொல்வது;

என்னை நேசித்தவருக்கு, என்னை ஆளாக்கியவருக்கு, என்னை மனிதனாக்கியவருக்கு, நான் நிறைய திரும்ப கொடுக்க ஆசைப்பட்ட சூழ்நிலையில் அவர் தீடிரென்று எனக்கு கொடுத்து விட்டு சென்ற தனிமையானது

பச்சை மரத்துண்டை நெருப்பில் போட்டது போல,

மூச்சடக்கி நீரில் உயிர் விட்டது போல,

புகை மூட்டத்தில் சிக்கி இறந்தது போல,

சுவாசிக்க காற்றில்லாமல் ஆகாயத்திலிருந்து தள்ளி விடபட்டு ஜீவன் பிரிந்தது போல இருந்தது…

என் தந்தையின் நினைவின் நடுவே தீடிரென்று காதலியின் நினைவு…

நான் எந்தளவிற்கு என் தந்தையை நேசித்தனோ அதே போல் என்னை என்னுடைய காதலி நேசித்தாளே? அவளுக்கும் இது போன்று தானே இருந்திருக்கும் என்று…

எனக்கு என் தந்தையின் பிரிவு, பின் மண்டையில் விழுந்த சம்மட்டி அடி போல என்றால், என் பிரிவு என்னை உருகி, உருகி நேசித்தவளுக்கும் அப்படி தானே இருந்திருக்கும்.

நடந்ததை நினைத்தாலே நெஞ்சம் பதறுகின்றது….

100 அடி முன்னேற ஆசைப்பட்டவனை 1000 அடி கீழே கொண்டு சென்றது போல் இருந்தது என் தந்தையின் இழப்பு.

அவளுக்கும் அப்படித்தானே இருந்திருக்கும் – என் இழப்பு. என் அப்பாவின் மரணம், என் காதலிக்கு நான் இழைத்த நம்பிக்கை துரோகம் இரண்டும் சேர்ந்து என்னை முற்றிலும் வெறுமையாக்கி விட்டது…

வீட்டை விட்டு வெளியே இருக்கும் போதெல்லாம் அழுகை… அழுகை… அழுகை…

இதை தவிர வேறு எதையும் செய்யவில்லை….

Bike ஓட்டும் போது, தனியாக சாப்பிடும் போது, கோவிலில் சாமியை பார்க்கும் போது, சாலையில் என்னை கடந்து செல்லும் உயிரற்ற உடலை பார்க்கும் போது, ஏதேதோ என்ற புன்னகை மன்னன் பாட்டை கேட்கும் போது, நீல நிற வண்ணத்தை பார்க்கும் போது, ஆண்டாளை பார்க்கும் போது, (ஆண்டாளை தெரியவே தெரியாத போது ஆண்டாள் என்கின்ற வார்த்தையை என்னிடம் முதலில் உபயோகப்படுத்தியவள் – என் காதலி) Wills Cigarette – ஐ யாராவது புகைக்கும் போது, சாந்து பொட்டை நேர் கோடாக இட்டிருக்கும் பெண்களை பார்க்கும் போது, குழந்தைகள் விளையாடுவதை பார்க்கும்போது என எப்போதும் அழுகையுடன் மூளை பிசக்கியது போல வாழ்க்கை….

என் அழுகை தொடர்ந்ததா?… முடிந்ததா?… தொடர்கின்றதா?…

நான் ஏன் என் காதலியை விட்டுவிட்டு வேறு பெண்ணை திருமணம் செய்து கொள்ள முடிவெடுத்தேன்?…

என் காதலி என் திருமணம் பற்றி என்ன சொன்னாள்?….

அடுத்த கடிதத்தில்….

 

 

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , ,

கடிதம் – 10 – காதல்

கடிதம்  10 காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

என் நண்பன் சொல்லிய உடன், நான் பெரிதும் ஆசைப்பட்ட அவளை, அவளுடைய அக்காள் வீட்டில் சந்திக்க ஒப்புக் கொண்டதற்கு காரணம், அவள் அக்கா காதல் திருமணம் செய்து கொண்டது என்னுடைய நெருங்கிய நண்பன் ஒருவனை தான். செய்த தொழில்கள் வேறாக இருந்ததாலும், அவரவர் கவலைகள் அவரவருக்கு என்கின்ற அளவில் வாழ்ந்ததாலும் என் காதலியின் அக்கா கணவனான என் நண்பனிடம் தொடர்பே இல்லாமல் வாழ்ந்து வந்தேன்…. இந்த சூழ்நிலையில் நண்பனின் அழைப்பு என்னை அடுத்த கட்டத்திற்கு அழைத்து செல்லப் போகிறது என்று எண்ணி அந்த அழைப்பை ஏற்று, நாங்கள் அனைவரும் அவள் இருந்த வீட்டிற்கு சென்றோம்…   அவளையும் பார்த்தோம்… அவளும் எல்லோரையும் பார்த்தாள்…. ஒரு காலத்தில் நான், என் நண்பர்கள், அவள், அவள் அக்கா எல்லோரும் ஒன்றாக விளையாடி வளர்ந்தவர்கள் என்பதால் பார்த்த உடனே எல்லோரும் எல்லோருடனும் பேசிக் கொண்டோம் – அவளை தவிர…

நீண்ட பேச்சின் முடிவில் அவளின் அக்காவே, சொக்கு என் தங்கையை என் அம்மாவின் வீட்டில் விட்டுவிடு என்று கேட்டு கொண்டார்….   அந்த சந்தர்பத்தை சந்தோஷப்பட்டும், சந்தோஷப்படாமலும் ஏற்றுக் கொண்டு அவளை என் நண்பர்கள் புடை சூழ Yamaha bike – ல் வைத்து அவள் அம்மா வீட்டிற்கு கூட்டி சென்றேன்.

எனக்கு பிடித்த, எனக்கு பிடிக்கும் என்று அவளுக்கு மட்டும் தெரிந்த ராமர் நீல வண்ணத்தில் சுடிதார் அணிந்திருந்தாள் அன்று எதேச்சையாக…

அவள் சுவாசித்த காற்று கூட என்னருகில் வராத வண்ணம் இடைவெளி விட்டு உட்கார்ந்து வந்தாள். என் நண்பர்கள் அனைவருக்கும் நாங்கள் நிறைய பேச வேண்டும் என ஆசை…. இருந்தாலும்   ஒரு வார்த்தை கூட அவள் என்னிடம் பேசவில்லை…  நானும் பேசவில்லை அவளிடம்… நானோ குற்ற உணர்ச்சியில் பேச முயற்சிக்கவில்லை அவளுக்கோ என்னை திரும்ப பார்த்த சந்தோஷத்தில் பேச முடியவில்லை.

அவளை நீண்ட நாட்களுக்கு பிறகு பார்த்த சந்தோஷத்தில், சந்தித்த திருப்தியில் அவளுடன் ஒரு வார்த்தை கூட பேசாமல் அவளை அவள் வீட்டில் பத்திரமாக இறக்கி விட்டுவிட்டு அவள் நினைவாக வீடு வந்து சேர்ந்தேன்… அவளை திரும்ப பார்த்தது முதல் அவள் நினைவாகவே இருந்தேன்… அவள் அவளுக்காக வாழ நினைக்காமல் இன்றும் எனக்காகவே வாழ்ந்து கொண்டு இருக்கின்றாள் என்ற நினைப்புடன் நானும் சரி, என் வீட்டில் அடுத்த முறை திருமண பேச்சு எடுக்கும் போது முடிவாக பேசிக் கொள்ளாலம் என இருந்து விட்டேன்….

1999 Feb.12 – எனக்கு என் அத்தை திருநெல்வேலியில் இருந்து ஒரு பெண்ணின் புகைப்படம் அனுப்பிய நாள்….  அன்று இரவு முதன் முறையாக என் அப்பா என்னிடம் கேட்டதும், சொன்னதும் கீழே;

  • சொக்கு நான் இதுவரை உன்னிடம் எதுவும் கேட்டதில்லை… இந்தப் படத்தில் இருக்கும் பெண்ணை நீ திருமணம் செய்து கொள்ள வேண்டும்…
  • இந்தப் பெண் வேண்டாம் என்று கூறினால் நான் இனிமேல் உனக்கு வேறு எந்தப் பெண்ணையும் பார்க்க மாட்டேன் என தீர்மானமாக சொல்லிவிட்டார் (ஏதோ சொல்லமுடியாத காரணத்திற்க்காக நான் கடந்த 2 வருடங்களாக திருமணத்தை தள்ளி போட்டு வந்ததினால் வந்த வேதனையின் வெளிப்பாடு)

நான் பார்க்கும் பெண்களை காரணம் இல்லாமல் நிராகரித்த கால கட்டத்தில் என் காதலை என் அப்பாவிடம் நேரிடையாக சொல்ல முடியாத சூழ்நிலையில், நான் ஒரு விதவைக்கு வாழ்க்கை கொடுக்க ஆசைப்படுகின்றேன் அல்லது ஒரு வாய் பேசாத பெண்ணிற்கு வாழ்க்கை கொடுக்க ஆசைப்படுகின்றேன் அல்லது ஒரு திக்கு வாய் உள்ள பெண்ணிற்கு வாழ்க்கை கொடுக்க ஆசைப்படுகின்றேன். அதனால் அப்படிப்பட்ட குறையுள்ள  பெண்களை பாருங்கள் என்று தீர்மானமாக கூறி விட்டேன். இதை கேள்வி பட்ட என் தங்கை (பெரியப்பா மகள்) என் முடிவு தவறு என்று பெரிய அளவில் பிரச்சினை பண்ணி விட்டாள்… அதையும் மீறி அப்படி பாதிக்கப்பட்ட பெண்களை பார்த்த போது எனக்கு ஏதோ ஒரு பெரிய குறை இருக்கிறது என்று என்னை குறையுள்ள பெண்கள் நிராகரித்த சம்பவங்களும் நடந்தன….

என் தந்தை திருமண பெண் பற்றி என்னிடம் தீர்மானமாக சொல்லிய அன்றிரவு

எனக்கு உயிர் கொடுத்து, உயிராய் பார்த்து கொள்ளும் தந்தையா?

அல்லது

என்னை அவளின் உயிரை விட மேலானவனாக கருதிய அப்பாவி ஏழை பெண் காதலியா?

-    யார் முக்கியம் என்று மிக தீவிரமாக யோசித்தேன்…

தற்கொலை பண்ணிக் கொள்ளலாமா என்று கூட யோசித்தேன். தற்கொலை பற்றி யோசித்த உடனே என் உயிர் நண்பன் ராம் 1996 – ம் வருடம் சொன்ன விஷயம் தான் உடனே Flash ஆனது….

தற்கொலை பண்ண வேண்டுமானால்….

கிணற்றில் குதித்து உயிரை விடலாம்

ஆற்றில் குதித்து உயிரை விடலாம்

கடலில் குதித்து உயிரை விடலாம்

Train முன் குதித்து உயிரை விடலாம்

Current – ல் கை வைத்து உயிரை விடலாம்

மருந்து குடித்து உயிரை விடலாம்  – இப்படி நூறு வழி இருக்கு மச்சான்….

செத்து போகவே நூறு வழி இருக்கும் போது உயிர் வாழ ஒரு வழி இருக்காதா? யோசி மச்சான் – என்று எனக்கு அவன் சொன்ன அறிவுரை தான் ஞாபகத்திற்கு வந்தது….

ஒரு கட்டத்தில் நன்கு யோசித்த பிறகு, எனக்கு என் வாழ்க்கையில் எல்லாமும் ஆன என் தந்தைக்கு எதிராக ஒரு முடிவு எடுக்காமல், என் தந்தை சொன்ன பெண்ணை அவர் திருப்திக்கு முதலில் பெண் பார்ப்போம் என்று முடிவு செய்து பெண் பார்க்க ஒப்புக்கொண்டேன்.

என் காதலி என்ன ஆனாள்?

அடுத்த கடிதத்தில் விரிவாக…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , , , ,

கடிதம் – 9 – காதல்

கடிதம்  9 காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

என்னுடைய வாழ்க்கையை ஆண்டாளுக்கு முன், ஆண்டாளுக்கு பின் என இரண்டு வகையாக பிரிக்கலாம்… ஆண்டாளுக்கு முன் என்றால் என் வாழ்க்கையில் ஆண்டாள் வருவதற்கு முன் என அர்த்தம் கொள்ளவும்….

பள்ளியாகட்டும், கல்லூரியாகட்டும் சொக்கலிங்கத்தை பிடித்தவர்கள் 10 பேர் என்றால் பிடிக்காதவர்கள் 100 பேர் இருப்பார்கள் காரணம் சொக்கலிங்கத்திற்கு,

  • கடவுள் நம்பிக்கை அறவே இல்லை
  • படிப்பு சுமார்
  • ஆசிரியரிடம் நல்ல பெயர் இல்லை
  • சிகரெட் இல்லாமல் சொக்கலிங்கத்தை கல்லூரியில் பார்த்து இருக்கவே முடியாது
  • சொக்கலிங்கம் நண்பர்களுடன் குடித்தால் அன்று இரவு நூற்றுக்கணக்கான பேர்களின் வெறுப்பை சம்பாதிக்காமல் சொக்கலிங்கம் தூங்கியதாக வரலாறு கிடையாது…..
  • வீட்டின் கஷ்டம் தெரியாது. நான் ஊர் சுற்ற, பணக்காரன் போல செலவு செய்ய எனக்கு பணம் அனுப்பிய என் அப்பா, கடைசியில் தன் 25 வருட உழைப்பில் சென்னை அடையாரில் வாங்கி குடியிருந்த MIG வீட்டையும் விற்று என்னை சந்தோஷமாக வைத்து கொண்டார்…
  • Tution fees, Exam fees, Lab fees, Mess fess, Hostel fees என எப்போது பணம் கேட்டாலும் பணம் அனுப்பிய என் அப்பா, என்னுடைய தவறுகளை யாராவது அவரிடம் எடுத்து சொன்னால் சொல்லக் கூடிய ஒரே விஷயம் என் மகனுக்கு தவறு என்று தெரியவரும் போது அவன் அதை விட்டு வெளியே வந்து விடுவான் என்பதை தான்.
  • அந்த ஒரே நம்பிக்கை தான் என்னை மனிதம் பற்றி புரிந்து கொள்ள வைத்து, என்னையும் மனிதனாக்கியது…
  • ஒரு சூழ்நிலையில் என் அப்பாவிற்கு ரொம்ப, ரொம்ப பிடித்த தன் மனைவி வெறும் மஞ்சள் கயிறோடு நின்ற போது கூட என்னிடம் ஏன் இப்படி செலவு செய்கிறாய் என்று கேட்டது கூட இல்லை…
  • என் அம்மாவோ என் அப்பாவை விட ஒரு படி மேல் நான், என் நண்பர்கள் எல்லோரும் சிகரெட் பிடிக்க கற்று கொண்டோம் என்று தெரிந்த உடன் ஒரு நாள் என் வீட்டில் சாப்பிட வந்த என் நண்பனிடம் நல்ல Cigarette ஆக வாங்கி பிடியுங்கள். மட்டமான சிகரெட் – லாம் பிடிக்காதீர்கள் என்று அறிவுரை சொன்னார் என்றால் என் அம்மாவின் வெகுளித்தனத்தை புரிந்து கொள்ளுங்களேன்….

இது போன்ற அம்மா, அப்பாவின் ஒரே பிள்ளையான எனக்கு 11 – ம் வகுப்பு படிக்கும் காலத்தில் இருந்து எங்கள் எதிர்வீட்டு பிராமண பெண்ணுடன் காதல்…

நாளாக, நாளாக மிகுந்த நெருக்கத்தை கூட்டி கொண்டே போனது அந்த காதல்… நான் கல்லூரிக்கு சென்றவுடன் மேலும் வலுவடைந்தது அந்த காதல்…   1991 – ல் நாங்கள் குடியிருந்த வீட்டை விற்பதற்கு ஒரு மாதத்திற்கு முன் என் தந்தை என்னிடம் சாதாரணமாக பேசிக் கொண்டியிருந்த போது, அரசியலும், காதலும் நம் குடும்பத்தில் யாருக்கும் கூடாது என பொதுவாக கூறினார்… நானோ, என்  பெரியப்பா பெண்ணோ, பெரியப்பா பையனோ யாரும் எதுவும் அப்போது எந்த கருத்தும் சொல்லவில்லை…. அது என்னவோ அந்த வார்த்தை எனக்கே சொல்லப்பட்ட விஷயம் போல் இருந்ததால் என் தந்தை சொல்லிய வார்த்தைகள் பற்றி யோசிக்க ஆரம்பித்தேன்….  அதே சூழ்நிலையில் நாங்களும் கடனால் குடியிருந்த வீட்டை விற்று விட்டு திருநெல்வேலிக்கே சென்று விட்டோம். நானும் 1992 – ம் வருடம் படிப்பை முடித்து உடனே வேலையும் கிடைக்க பெற்று ஆந்திராவில் உள்ள Metpally சர்க்கரை ஆலைக்கு பணி செய்ய சென்று விட்டேன்… இப்போது போல அப்போது செல்போன் எல்லாம் கிடையாத காலம் என்பதால் நான் காதலித்த பெண்ணுடன் அதன்பிறகு எந்தவித தொடர்பும் இல்லாமல் போய்விட்டது…

1994 – 1997 ஏறத்தாழ சுனாமியும், 200km வேகத்தில் புயலும், 10 R.Scale க்கு நில நடுக்கமும் ஏற்பட்டது போல் ஏகப்பட்ட பிரச்சினைகள் என் வாழ்க்கையில்….

  • உடல் நலம் பாதிப்பு எனக்கும், என் அப்பாவிற்கும் பெரிய அளவிலே
  • செத்த நாய் மேல் எத்தனை வண்டி ஏறினா என்ன? என்பது போல் நொறுங்கி கிடந்த எங்களுக்கு எத்தனை, எத்தனை அடி; அவமானங்கள்; ஏமாற்றங்கள்; கஷ்டங்கள்; வருத்தங்கள்….

1999 – Feb – 5 வெகு ஏதேச்சையாக என் நண்பர்களை சந்தித்து பேசிக்கொண்டு இருந்த போது, என்னுடைய ஒரு நண்பன், சொக்கு, உன் உயிரானவள் அவள்  அக்காவின் வீட்டில் தான் இருக்கிறாள். போய் பார்க்கலாமா என்று கேட்டான். வானத்தில் இருக்கின்ற நட்சத்திரங்கள் எல்லாம் நிலவாகியது போல் ஒரு சந்தோஷம் எனக்கு…

அடுத்து நடந்தது என்ன?

அடுத்த கடிதத்தில்…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , ,

கடிதம் – 8 – சகுனம்

 

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

மாதா, பிதா, குரு, தெய்வம் – இந்த வரிசை சரியா, தவறா என்றால் தவறு என்று தான் கூறுவேன்….

என்னை பொறுத்தவரை

தெய்வம், மாதா, பிதா, குரு – தான் சரியான வரிசையாக இருக்க முடியும். இதற்கு காரணமாக என் வாழ்க்கையில் நான் கண்ட, பார்த்த, அனுபவித்த எத்தனையோ உதாரணங்களை கூற முடியும்….

அதில் ஒன்று….

என் அப்பா 1999 – ல் காலமானதற்கு பிறகு என் அம்மாவின் நடவடிக்கை முற்றிலுமாக மாறி விட்டது. இரவு 2 மணிக்கு, 3 மணிக்கு எழுந்து பார்த்து  எல்லோரும் தூங்கியதை உறுதிபடுத்திய பின் என் தந்தையை நினைத்து அவர் அழாத நாட்களே கிடையாது. நான், என் மனைவி, குழந்தைகள் உணவருந்த, படம் பார்க்க செல்லும்போது கூட வருவதோடு சரி….  யாரைப் பற்றி குறை கூறவோ, பேசவோ மாட்டார்கள்…  மற்றவர்களிடம் பேசுவதையும் குறைத்தும் கொண்டார்கள். வீடு உண்டு…. பொருட்கள் வாங்க வெளியே செல்வதுண்டு… என்று தனக்கென்று ஒரு வட்டம் அமைத்து வாழ ஆரம்பித்து விட்டார்கள். எங்கள் பக்கத்து வீட்டை புதியதாக ஒருவர் வாங்கி குடியேறும் வரை எல்லாம் சரியாக போய்கொண்டு இருந்தது…

பக்கத்து வீட்டில் குடி இருப்பவர்கள் சகுனம் பார்ப்பவர்கள்….  குறிப்பாக அந்த வீட்டின் ஆண் வெளியே புறப்படும் போது விதவையோ, குழந்தைபேறு இல்லாதவர்களோ எதிரே வந்தால் வீட்டின் உள்ளே சென்று, சிறிது நேரம் கழித்து அவர் வேலைக்கு போவார். இந்த விஷயத்தை பக்கத்து வீட்டு பெண்மணி ரொம்ப, ரொம்ப தீவிரமாக நடைமுறைபடுத்தி வந்தார்…

அன் அம்மாவை பார்த்தும் பல முறை பக்கத்து வீட்டுக்காரர்கள் இப்படி நடந்து கொண்டிருக்கிறார்கள்…. இதனை சரியாக கண்டுபிடித்த என் தாயார் இந்த விஷயத்தை யாரிடமும் சொல்லாமல் இன்னும் கஷ்டப்பட்டு கொண்டிருந்திருக்கிறார். இந்த சூழ்நிலையில் என் மனைவி என் அம்மாவின் முக வாட்டத்திற்கான காரணத்தை மிகத்துல்லியமாக யூகித்து விட்டார்…  என் மனைவி இந்த விஷயத்தை நன்றாக ஊர்ஜிதப்படுத்திய பின் என்னிடம் நான் மிக சந்தோஷமாக என் பையனுடன் விளையாடிக் கொண்டிருந்த போது, மிக கவனமாக, பக்குவமாக என்னிடம் சொன்னார்…..

என் மனைவிக்கு பயம் என்னவென்றால் நான் ஏதாவது பெரிய அளவில் பக்கத்து வீட்டுடன் தகராறு பண்ணிவிடுவேன் என்று…. இது போன்ற தருணங்களில் பலமுறை ஆத்திரத்தில் முடிவெடுத்து இருக்கின்றேன் ஆனால் அன்று ஏனோ யோசித்தேன் நான் சில நொடிகள் வழக்கத்திற்கு மாறாக. சில நொடிகள் யோசனைக்கு பின் மறுபடியும் என் பையனுடன் விளையாட ஆரம்பித்து விட்டேன்… என் மனைவிக்கு ஒன்றும் புரியவில்லை….  நான் பெரிய பிரச்சினையை பண்ணுவேன் என்று எதிர்பார்த்த நிலையில் நான் எதுவுமே பேசாமல் இருக்கிறேனே என்று என் மனைவிக்கும் பெரிய ஷாக்….

நான் விஷயத்தை கேள்விப்பட்ட அன்றைய இரவு தூங்கபோகும் முன் என் ஆண்டாளிடம் இரண்டு கேள்விகள் அவள் முன் வைத்தேன்….

  •  யார் செய்த பாவமோ, என் அம்மா என் தந்தையை இழந்து கஷ்டப்படுகிறார்கள்… அவர்கள் வாழும் வாழ்க்கையே எப்போது அஸ்தமிக்கும் என்பதை எதிர்பார்த்து வாழ்ந்து கொண்டிருக்கிறார்கள்…. அவர்களை ஏன் இன்னும் காயப்படுத்தினாய்? காயப்படுத்துகிறாய்?
  • எனக்கு இருக்கும் பலத்திற்கு நான் வீடு புகுந்து அவர்களை துவம்சம் செய்து இருப்பேன்… ஆனால் எப்போதும் எனக்கு சடாரென்று கோபம் வரும்…. ஆனால் இந்த விஷயத்தில் என்னை ஏன் கோபப்படாமல் செய்தாய் என்று?

கேள்விகள் முன் வைத்து விட்டு தூங்கிவிட்டேன்…

தூங்கி எழுந்த அடுத்த நாள் மிக அற்புதமாக கழிந்தது….  அந்த நாள் இரவும் இதே கேள்விகளை ஆண்டாளிடம் கொஞ்சம் கடினமாக கேட்டுவிட்டு தூங்கி விட்டேன்…

அதற்கு அடுத்த நாள் காலை – கிராமத்து வளர்ப்பான என் மனைவி “தினகரன்” பேப்பருடன் என்னை எழுப்பினார்….

அதில் ஒரு பெரிய ¼ பக்க செய்தி படத்துடன்….

அடுத்தவர் நிலத்தை போலி பத்திரம் தயாரித்து பல கோடி ஏமாற்றிய பலே திருடர்களின் தலைவன் என்று;  சகுனம் பார்த்து வேலைக்கு போன என் பக்கத்து வீட்டு ஆசாமி தான் அந்த கும்பலின் தலைவன்….

என் அப்பா இறந்துவிட்டார் என்று விஜயா மருத்துவமனை டாக்டர் என் கையை பிடித்து சொன்ன போது கூட கண்ணில் இருந்து குபுக்கென்று உடனே  கண்ணீர் வரவில்லை….  ஆனால் அந்த செய்தி படித்த உடன் அந்த நொடியே சடாரென்று கண்ணிலிருந்து நீர் கொட்டியது. அடுத்த நிமிடமே ஆண்டாள் எனக்கு செய்த நல்ல விஷயங்களை பட்டியலிட்டேன் என் மனைவியிடம்….

  • என் அம்மாவிற்கு சந்தோஷம் – விதவை பெண்களை கேவலப்படுத்தியவர்களுக்கு தண்டனை கிடைத்தது என்பதற்காக…
  • எனக்கு சந்தோஷம் – என்னை ஒரு பாவம் பிடித்த ஆசாமியிடம் சண்டை போடாமல் தடுத்து நிறுத்தி எனக்கு எந்த கெட்ட பெயரும் வராமல் தடுத்து நிறுத்தியதற்காக….
  • என் மனைவிக்கு சந்தோஷம் – தன் அத்தையை மனதளவில் காயப் படுத்தியவர்களை ஆண்டாள் தண்டித்ததற்காக….

இதில் முக்கியமான விஷயம்:-

எனக்கு விஷயம் தெரிந்த முதல் நாளுக்கும் பேப்பரில் விஷயம் வெளியே வருவதற்கு மூன்றாம் நாளுக்கும் இடையில் இருந்த இரண்டாம் நாளில் தான் கூட்டாளிகளுக்குள் பங்கு பிரிப்பதில் பிரச்சினை ஏற்பட்டு போலீஸிடம் மாட்டி இருக்கிறார்கள்…. அவர்கள் அவர்களுக்குள் சண்டை போட்டு போலீஸிடம் மாட்டாமல் இருந்திருந்தால் அவர்கள் செய்த குற்றம் யாருக்கும் தெரியாமலேயே போயிருந்திருக்கும். அவ்வளவு நூதனமான திருட்டு அது….

மாத, பிதா, குரு, தெய்வம்….   வரிசையில் என் மாதாவிற்கே பிரச்சினை வந்தபோது  எனக்கு என் தெய்வம், குலசாமி, ஆண்டாள் தான் அந்த இடத்தில் உதவி புரிந்தாள்…

ஆக என்னை பொறுத்தவரை

தெய்வம், மாதா, பிதா, குரு – தான் சரியான வரிசை….

பின் குறிப்பு:-

விதவையையும் குழந்தைபேறு இல்லாதவர்களையும் அசிங்கப்படுத்தும், கேவலமாக நடத்தும் பெண்களுக்கு நான் சொல்லி கொள்ள விரும்புவது…

விதவையின் மனம் கஷ்டப்பட்டால் அந்த கஷ்டத்தை உருவாக்கும் இன்னொரு சுமங்கலி பெண்ணையும் அவர் படும் கஷ்டம் விதவையாக்கும் வலிமை கொண்டது…  என்பதை நினைவில் நிறுத்தி கொள்ளுங்கள்….

குழந்தைபேறு இல்லாதவர்கள் மனம் நோகடிக்கப்பட்டால் அந்த கஷ்டத்தை உருவாக்கும் இன்னொரு பெண்ணையும் அவர் படும் கஷ்டம் குழந்தை இருந்தும் இல்லாமல் ஆக்கும் வலிமை கொண்டது… என்பதை நினைவில் நிறுத்தி கொள்ளுங்கள்….

பெண்களே உண்மையாக மற்ற பாதிக்கப்பட்ட பெண்களை போற்றுங்கள் கண்டிப்பாக ஆண்டாள் ஒருநாள் உங்களை தரிசிக்க வருவாள்…

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , ,

கடிதம் – 7

கடிதம்  7

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

மலர்களிலேயே

கருநெய்தல் மலர் ரொம்ப விசேஷம்

பத்மம் அதனைவிட சிறப்பு

தாமரை (100 இதழ்கள்) பத்மத்தை விட சிறப்பானது

புண்டரீகம் (1000 இதழ்கள்)  தாமரையை விட சிறந்தது

ஸ்வர்ண புஷ்பம் (தங்கத்தால் ஆனது) புண்டரீகத்தை விட சிறந்தது

ஆனால்

ஆண்டாள் – ஆண்டாள் என்கின்ற துளசி எல்லாவற்றையும் விட சிறப்பானது ; மேலோங்கியது……

இத்தகைய சிறப்பு வாய்ந்த ஆண்டாளை  நான் இதுவரை கடிதங்களில் சொன்ன  அந்த பெண்மணி 200%  நம்பியதன் பயனாக அவருக்கு கிடைத்த விஷயங்கள் கீழ்கண்டவாறு:-

  1. மகிழ்ச்சி
  2. வளர்ச்சி
  3. சந்தோஷம்
  4. ஆனந்தம்
  5. இன்பம்
  6. சுகம்
  7. செழுமை
  8. வளமை
  9. இனிமை
  10. நன்மை

உயிரோடு இருப்பதல்ல வாழ்க்கை…..

உயிர்ப்போடு இருப்பது தான் வாழ்க்கை….

  • என்று புரிய வைத்தவள் ஆண்டாள்
  • என்று புரிய வைத்து கொண்டிருப்பவள் ஆண்டாள்
  • என்று வாழ்ந்து காட்டியவள் ஆண்டாள்
  • என்று உணர்ந்து வாழ்ந்தவள் ஆண்டாள்
  • என்று வாழ்ந்து உணர்த்தி காட்டியவள் ஆண்டாள்

-    இதை 200% நான் கடிதத்தில் சொன்ன அந்த பெண்மணி புரிந்து கொண்டு நடந்தார்

  • ஆண்டாள் பூமிக்கு வந்ததும் அதிசயம்
  • ஆண்டாள் பூமியில் வாழ்ந்த வாழ்க்கையும் ஓர் அதிசயம்
  • பெருமாளை சென்று அடைந்ததும் ஓர் அதிசயம்
  • அதிசயம் நடக்கும் என நம்பியவள் ஆண்டாள்
  • அதிசயத்தை நடத்தி காட்டியவள் ஆண்டாள்
  • அதிசயத்தை நடத்தி காட்டுபவள் ஆண்டாள்

-    இதை 200% நான் கடிதத்தில் சொன்ன அந்த பெண்மணி புரிந்து கொண்டு நடந்தார்

  • தமிழர்களின் அடையாளம் ஆண்டாள்
  • தமிழர்களில் தனித்துவம் மிக்கவள் ஆண்டாள்

-  அதே போல் ஆண்டாள் பக்திக்கு சிறந்த நல் உதாரணமாக யாரையாவது கூற வேண்டும் என்று கேட்டால் நான் இந்த பெண்மணியை தான் சொல்லுவேன்…

  • இவ்வளவு சிறப்பு வாய்ந்த இந்த பெண்மணி ஆண்டாள் தங்க விமான திருப்பணிக்கு பணம் கொடுத்தார் என்பதற்காக நான் அவரை தூக்கி பாராட்ட இக்கடிதம் எழுதவில்லை
  • ஆண்டாள் தங்க விமான திருப்பணிக்கு தங்கம் கொடுத்ததால் அவரை பாராட்ட இக்கடிதம் எழுதவில்லை
  • ஆண்டாளுக்கு உரிய பணி முடிவுற இல்லை என்று என்னுடன் சேர்ந்து அவரும் கவலைப்பட்டார் என்பதற்காக சந்தோஷப்பட்டு அவரை கௌரவ படுத்த இக்கடிதம் எழுதவில்லை
  • தன்னலமற்ற பக்தியையும், பிரதிபலன் எதிர்பாரா அன்பையும் ஆண்டாள் மேல் இவர் வைத்துள்ளார் என்பற்காக ஆனந்தப்பட்டு, இக்கடிதம் எழுதவில்லை….

இந்த எல்லா நல்ல காரணங்களையும் மீறி நான் இவரைப் பற்றி சிலாகித்து கடிதம் எழுதி சந்தோஷப்படுவதற்கு காரணம் 2 விஷயங்கள் மட்டும் தான்:-

  1. இந்தப் பெண்மணி யாரும் சொல்லாத, ஆனால் எல்லோருக்கும் தெரிந்த வாழ்க்கை தத்துவத்தை எனக்கு மிக லகுவாக எளிமைப்படுத்தி கூறிவிட்டார்…
  • கொடுத்தால் தான் கிடைக்கும்
  • கொடுக்க கூட வேண்டாம் நினைத்தாலே கிடைக்கும்
  • நினைக்க கூட வேண்டாம் கிடைக்கும்னா கிடைக்கும்;
  • நடக்கும்னா நடக்கும்
  1. எனக்கு இதுவரை நான் பார்த்திராத ஆண்டாளை வேறு தளத்தில் இருந்து, வேறு கோணத்தில் புரிய வைத்து, பார்க்கவும் வைத்து விட்டார் – இந்த நிகழ்கால ஆண்டாள்..

இதைப்பற்றி கண்டிப்பாக ஆகஸ்டு 24 – ல் நடைபெறும் சேலம் கூட்டத்தில் விரிவாக விவரிக்கின்றேன்.

என்னுடைய ஆகஸ்டு 24 – ம் நிகழ்ச்சியை நான் ஆவலுடன் எதிர்பார்த்து காத்து கொண்டிருக்கிறேன்…   காரணம் உங்களுடன் சேர்ந்து நானும் அந்த பெண்மணியை தரிசனம் செய்ய….

நான் இதுவரை சொன்ன பெண்மணியின் பெயர்

திருமதி.சூர்யகலா

வாழ்க திருமதி.சூர்யகலாவும் அவர் உறவுகளும்…

நான் கஷ்டப்பட்ட நேரங்களில் எல்லாம் மரணத்தை தொட்டுவிட நிறைய சிந்தித்தது உண்டு….   இப்போது கூட யார் என்னை கேட்டாலும் வாழ்கின்ற ஒவ்வொரு நாளும் போனஸ்….   மரணம் இந்த நொடி வந்தாலும் அதை எதிர் கொள்ள தயாராக இருக்கின்றேன் என்று….   ஆனால் உண்மையில் முதன்முறையாக இக்கடிதம் வாயிலாக, உண்மையாக, மனதார ஆண்டாளிடம் வேண்டிக்கொள்வது இன்னும் இது போன்ற நிறைய பேர்களை தரிசிக்க ஆசைப்படுகின்றேன்….   என்னை இன்னும் சிறிது காலம் நான் ஆசைப்படும் வரை வாழவிடு…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , , ,

கடிதம் – 6

கடிதம் – 6

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

ஆண்டாள் தங்க விமான திருப்பணி தடைபெற்று நிற்கின்றதே என்று நான் வருத்தப்படாதே நாட்களே இல்லை….  குறிப்பாக சொல்ல வேண்டும் என்றால் கடந்த சில மாதங்களாக என் மனைவி, அம்மா, குழந்தைகள், நண்பர்கள், உறவுகள் என் ஞாபகத்திலேயே கிடையாது… இந்த சூழ்நிலையில் ஆண்டாள் கோவில் திருப்பணிக்காக யாரிடமும் சென்று ஆண்டாளுக்கு கொடுங்கள் என்று யாசகம் பெறவும் எனக்கு விருப்பமில்லை….

கிட்டத்தட்ட நான் உயிர் வாழ்வதே அர்த்தமில்லையோ என்று என்னை நானே நொந்து கொள்வது அன்றாட நிகழ்வாகி போனது. எத்தனையோ பேருக்குள் தன்னம்பிக்கையை புகுத்திய எனக்கு, என் ஆண்டாளுக்கு உண்டான திருப்பணியை செய்து முடிக்க முடியவில்லையே என்ற வருத்தத்தினால் நிலை குலைந்து போய் கடமைக்காக ஊர் சுற்றி கொண்டியிருந்த வேளையில், ஒரு நாள் இரவு சேலத்தில் தங்க நேரிட்டது. அந்த நேரத்தில் நண்பர்களுடன் சாதாரணமாக பேசி கொண்டு இருந்த போது ஏன் எனக்கு தெரிந்த விஷயங்களை எனக்கு தெரிந்த client – களுக்கு மட்டும் பணத்திற்காக சொல்லி தரக்கூடாது என்று ஒரு Flash ஏற்பட்டது….  அந்த எண்ணம் தோன்றிய அடுத்த நொடியே என் பக்கத்தில் இருந்த இரண்டு சேலம் நண்பர்களிடம் அது பற்றி பேசி உடனேயே அவர்கள் ஒப்புதலையும் பெற்று விட்டேன்….   அவர்கள் ஒப்புதல் கொடுத்த அந்த நொடி முதல் அந்த விஷயத்தை எப்படி வெற்றி பெற வைக்கலாம் என்று யோசிக்க ஆரம்பித்து விட்டேன். முடிவாக அதிகபட்சம் 300 பேரை கூப்பிடுவது என்றும், கண்டிப்பாக Clients – ஐ மட்டும் கூப்பிடுவது என்றும், இந்த நிகழ்ச்சியின் வாயிலாக மேலும் பல நல்ல முக்கியமான விஷயங்களை அவர்களுக்கு சொல்லி கொடுப்பது என்றும் முடிவு செய்தோம்….   அப்படி அந்நிகழ்ச்சிக்கு வருபவர்கள் ஒவ்வொருவரும் தலா ரூ.10,000/- கொடுத்தாலும் ஒரே நாளில் ரூ.30 இலட்சம் (குறைந்தபட்சம்) திரட்ட முடியும் என்ற நம்பிக்கையுடன் எனக்கு தெரிந்த சில Client – க்கு நானே சென்னை வந்த பின் தொலைபேசியில் தொடர்பு கொண்டு நிகழ்ச்சியை பற்றி சொல்ல ஆரம்பித்தேன்…   அதில் ஒரு பெண்மணிக்கு நான் phone செய்த போது அவர் ஸ்ரீவில்லிபுத்தூர் ஆண்டாள் கோவிலில் நடைபெறும் சயன சேவையை பார்ப்பதற்காக ஸ்ரீவில்லிபுத்தூர் செல்ல ஏதுவாக சென்னை கோயம்பேட்டில் உள்ள பேருந்து நிலையத்தில் பேருந்து எதுவும் கிடைக்காதா என்ற பரபரப்பில் நின்று கொண்டு இருந்தார்…  அவர் அந்த பரபரப்பிலும் நான் சொன்ன விஷயத்தை கேட்டுவிட்டு ரொம்ப சந்தோஷம் என்று சொல்லி சேலத்திற்கு கட்டாயம் வருவதாக வாக்குறுதி கொடுத்தார்…..

அந்த பெண்மணியை பற்றி ஒரு சிறு குறிப்பு:-

  • அவர் திருமணமானவர்
  • மூத்த பெண் திருமணம் ஆகி அமெரிக்கா – வில் வசிக்கிறார்
  • மகன் B.E., முடிக்க இருக்கிறார்
  • கணவருக்கு நல்ல நேர்மையான தொழில்
  • மொத்தத்தில் இந்த குடும்பம் ஒரு Upper middle Class குடும்பம்

எனக்கும், நான் குறிப்பிடும் இந்த பெண்மணியின் குடும்பத்திற்கும் உள்ள தொடர்பு 3 வருடத்திற்குள் தான் இருக்கும்….

நான் குறிப்பிடும் பெண்மணி என்னுடைய தொலைபேசி உரையாடலுக்கு பிறகு 7 – 8 நாள் சென்று என்னை பார்க்க என் அலுவலகம் வந்து இருந்தார்….   வந்தவர் சார் நீங்கள் எனக்கு போன் செய்து பேசிய பிறகு ரொம்ப கஷ்டமாகி போய்விட்டது; ஆண்டாள் திருப்பணி நடக்கவில்லையே என்று நீங்கள் படும் கவலையினால் நான் கடந்த 5 நாட்களாக தூங்கவே இல்லை சார்….   என்று சொல்லிவிட்டு ரூ.1 லட்சத்தை எடுத்து என் கையில் கொடுத்தார்….   என்னம்மா எதுக்கு இந்தப்பணம் என்றபோது அவர் சொன்ன வார்த்தைகள் தான் கூர்ந்து கவனிக்கத்தக்கவை….

  1. என் கணவர் எங்களுடைய பெண் மாதமாக இருப்பதால் அவளை பக்கத்தில் இருந்து பார்த்து கொள்ள அமெரிக்கா போய் இருக்கின்றார்…   போகும் போது எனக்கு கையெழுத்து போட்ட 3 பிளான்க் காசோலைகளை கொடுத்து விட்டு தான் போனார்….  எங்கள் வங்கியிலும் பணம் உள்ளது… இருந்தாலும் நான் பணத்தை எடுத்துவிட்டால் அது ஏதாவது தொழில் சார்ந்த வகையில் தவறாகி போய் விட்டால் என்கின்ற பயத்தால் நான் என் நகைகளை வங்கியில் அடமானம் வைத்து இந்தப் பணத்தை கொடுக்கின்றேன் சார்…. எனக்கு இன்னும் ரூ.2 லட்சம் கொடுக்கணும்னு ஆசை…  நான் ஆகஸ்டு 24 நிகழ்ச்சிக்கு வருவதற்கு முன் கண்டிப்பாக கொடுக்க முயற்சிக்கின்றேன் என்று உறுதியும் கொடுத்து விட்டு கிளம்பி விட்டார்…
  2. பணம் இருக்கிறவர்கள் பணம் கொடுப்பது பெரிய விஷயம் அல்ல….   ஆனால் இந்த பெண்மணி விஷயத்தில் கூர்ந்து நோக்க கூடிய விஷயங்கள் பின்வருமாறு:-
  • ஆண்டாள் திருப்பணி தடைபெற்று நிற்கின்றதே என்று கவலையில் தூக்கம் தொலைத்தவரும் இவர் தான்
  • ஆண்டாளுக்கு சேராத தங்கம் தனக்கும் தேவையில்லை என்று சொன்னவரும் இவர் தான்; ஆண்டாளுக்குரிய தங்கம் சேராத போது நான் மட்டும் நகைகளை அணிவது தவறு. அவ்வாறு அணியும் போதெல்லாம் அது தனக்கு உறுத்தலாக இருக்கின்றது என்று கூறி இதற்கு முன்னரே ஏறத்தாழ அவருடைய எல்லா நகைகளையும் ஆண்டாளுக்கு கொடுத்தவரும் இவர்தான்…
  • நகைகள் மேல் எனக்கு ஆசையே போய்விட்டது என்று கூறி நினைவு வரும்போதெல்லாம் ஆண்டாளுக்கு கொடுப்பதையே முக்கிய கடமையாக கருதுபவரும் இவர் தான்…
  • உலகமே தங்கத்தின் பின்னால் தவமிருக்கும் போது தங்கம் வேண்டாம் என்று சொன்னவரும் இவர்தான்…
  • இவர் மட்டும் தான் இரண்டு வருடங்களுக்கு முன்னரே ஆண்டாள் பி. சொக்கலிங்கம் சார் ஜெயா டிவியின் வாயிலாக 10 கிலோ தங்கம் கொடுக்கின்றேன் ஆண்டாளுக்கு என்று வாக்குறுதி கொடுத்து விட்டு வந்து விட்டாரே; சார் – ஆல் அந்த வாக்குறுதியை நிறைவேற்ற முடியுமா என்று வருத்தப்பட்டு தூக்கத்தை தொலைத்தவரும் இவர் தான்….
  • இவர் கனவிலே ஆண்டாளே தோன்றி என் சொக்கலிங்கத்தை நான் பார்த்து கொள்கிறேன்; நீ கவலைபடாதே என ஆண்டாளாலே ஆறுதல் கூறப்பட்டவரும் இவர் தான்….

இந்தப் பெண்மணியின் வாழ்வில் இருந்து நமக்கு கிடைக்கும் சமிக்ஞைகள் கீழ்கண்டவாறு:

  • ஆண்டாளுக்கு இல்லை என்கின்ற ஒரு விஷயம் நமக்கு எதற்கு என்கின்ற இவரது எண்ணம் மனிதன் கடவுளாகி விட்டான் என்கின்ற நிலையை இவர் வாழும்போதே பெற்று விட்டார் என்று தான் கூறுவேன்.
  • ஆண்டாளுக்குகாக தன்னை வருத்தி கொண்ட இந்த பெண்மணியை பார்க்கும் போது எப்படி உறங்கா அரங்கனை அடைய ஆண்டாள் தன்னை வருத்தி கொண்டாள் என்கின்ற அந்த விஷயம் மட்டும் தான் நினைவுக்கு வருகின்றது….

தன்னை இவர் வருத்தி கொண்ட தன்னலமற்ற நிகழ்வில் மற்றொரு விஷயமும் புதைந்து இருக்கின்றது….

அது பிரதிபலன்  எதிர்பாரா அன்பு….

இந்த ஒரு விஷயம் தான் ஒவ்வொரு மனிதனுக்கும் கட்டாயம் இருக்க வேண்டிய விஷயம்….

நீ எனக்கு கொடு; நான் உனக்கு கொடுக்கின்றேன் என்று Corporate Company -  களின் Business deal ஆக இல்லாமல் என்னிடம் இருப்பது எனக்கு நீ கொடுத்தது; என்னிடம் இருப்பது எல்லாமே உனக்கு சொந்தமானது; உனக்கு மட்டுமே சொந்தமானது என்கின்ற இந்த உண்மையை உணர்ந்த இந்தப் பெண்மணிக்கு

கிடைத்த விஷயங்கள் என்ன?

நான் ஏன் சந்தோஷப்பட்டேன்?

விவரங்கள் என் அடுத்த கடிதத்தில்….

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , ,