கடிதம் – 10 – காதல்

கடிதம்  10 காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

என் நண்பன் சொல்லிய உடன், நான் பெரிதும் ஆசைப்பட்ட அவளை, அவளுடைய அக்காள் வீட்டில் சந்திக்க ஒப்புக் கொண்டதற்கு காரணம், அவள் அக்கா காதல் திருமணம் செய்து கொண்டது என்னுடைய நெருங்கிய நண்பன் ஒருவனை தான். செய்த தொழில்கள் வேறாக இருந்ததாலும், அவரவர் கவலைகள் அவரவருக்கு என்கின்ற அளவில் வாழ்ந்ததாலும் என் காதலியின் அக்கா கணவனான என் நண்பனிடம் தொடர்பே இல்லாமல் வாழ்ந்து வந்தேன்…. இந்த சூழ்நிலையில் நண்பனின் அழைப்பு என்னை அடுத்த கட்டத்திற்கு அழைத்து செல்லப் போகிறது என்று எண்ணி அந்த அழைப்பை ஏற்று, நாங்கள் அனைவரும் அவள் இருந்த வீட்டிற்கு சென்றோம்…   அவளையும் பார்த்தோம்… அவளும் எல்லோரையும் பார்த்தாள்…. ஒரு காலத்தில் நான், என் நண்பர்கள், அவள், அவள் அக்கா எல்லோரும் ஒன்றாக விளையாடி வளர்ந்தவர்கள் என்பதால் பார்த்த உடனே எல்லோரும் எல்லோருடனும் பேசிக் கொண்டோம் – அவளை தவிர…

நீண்ட பேச்சின் முடிவில் அவளின் அக்காவே, சொக்கு என் தங்கையை என் அம்மாவின் வீட்டில் விட்டுவிடு என்று கேட்டு கொண்டார்….   அந்த சந்தர்பத்தை சந்தோஷப்பட்டும், சந்தோஷப்படாமலும் ஏற்றுக் கொண்டு அவளை என் நண்பர்கள் புடை சூழ Yamaha bike – ல் வைத்து அவள் அம்மா வீட்டிற்கு கூட்டி சென்றேன்.

எனக்கு பிடித்த, எனக்கு பிடிக்கும் என்று அவளுக்கு மட்டும் தெரிந்த ராமர் நீல வண்ணத்தில் சுடிதார் அணிந்திருந்தாள் அன்று எதேச்சையாக…

அவள் சுவாசித்த காற்று கூட என்னருகில் வராத வண்ணம் இடைவெளி விட்டு உட்கார்ந்து வந்தாள். என் நண்பர்கள் அனைவருக்கும் நாங்கள் நிறைய பேச வேண்டும் என ஆசை…. இருந்தாலும்   ஒரு வார்த்தை கூட அவள் என்னிடம் பேசவில்லை…  நானும் பேசவில்லை அவளிடம்… நானோ குற்ற உணர்ச்சியில் பேச முயற்சிக்கவில்லை அவளுக்கோ என்னை திரும்ப பார்த்த சந்தோஷத்தில் பேச முடியவில்லை.

அவளை நீண்ட நாட்களுக்கு பிறகு பார்த்த சந்தோஷத்தில், சந்தித்த திருப்தியில் அவளுடன் ஒரு வார்த்தை கூட பேசாமல் அவளை அவள் வீட்டில் பத்திரமாக இறக்கி விட்டுவிட்டு அவள் நினைவாக வீடு வந்து சேர்ந்தேன்… அவளை திரும்ப பார்த்தது முதல் அவள் நினைவாகவே இருந்தேன்… அவள் அவளுக்காக வாழ நினைக்காமல் இன்றும் எனக்காகவே வாழ்ந்து கொண்டு இருக்கின்றாள் என்ற நினைப்புடன் நானும் சரி, என் வீட்டில் அடுத்த முறை திருமண பேச்சு எடுக்கும் போது முடிவாக பேசிக் கொள்ளாலம் என இருந்து விட்டேன்….

1999 Feb.12 – எனக்கு என் அத்தை திருநெல்வேலியில் இருந்து ஒரு பெண்ணின் புகைப்படம் அனுப்பிய நாள்….  அன்று இரவு முதன் முறையாக என் அப்பா என்னிடம் கேட்டதும், சொன்னதும் கீழே;

  • சொக்கு நான் இதுவரை உன்னிடம் எதுவும் கேட்டதில்லை… இந்தப் படத்தில் இருக்கும் பெண்ணை நீ திருமணம் செய்து கொள்ள வேண்டும்…
  • இந்தப் பெண் வேண்டாம் என்று கூறினால் நான் இனிமேல் உனக்கு வேறு எந்தப் பெண்ணையும் பார்க்க மாட்டேன் என தீர்மானமாக சொல்லிவிட்டார் (ஏதோ சொல்லமுடியாத காரணத்திற்க்காக நான் கடந்த 2 வருடங்களாக திருமணத்தை தள்ளி போட்டு வந்ததினால் வந்த வேதனையின் வெளிப்பாடு)

நான் பார்க்கும் பெண்களை காரணம் இல்லாமல் நிராகரித்த கால கட்டத்தில் என் காதலை என் அப்பாவிடம் நேரிடையாக சொல்ல முடியாத சூழ்நிலையில், நான் ஒரு விதவைக்கு வாழ்க்கை கொடுக்க ஆசைப்படுகின்றேன் அல்லது ஒரு வாய் பேசாத பெண்ணிற்கு வாழ்க்கை கொடுக்க ஆசைப்படுகின்றேன் அல்லது ஒரு திக்கு வாய் உள்ள பெண்ணிற்கு வாழ்க்கை கொடுக்க ஆசைப்படுகின்றேன். அதனால் அப்படிப்பட்ட குறையுள்ள  பெண்களை பாருங்கள் என்று தீர்மானமாக கூறி விட்டேன். இதை கேள்வி பட்ட என் தங்கை (பெரியப்பா மகள்) என் முடிவு தவறு என்று பெரிய அளவில் பிரச்சினை பண்ணி விட்டாள்… அதையும் மீறி அப்படி பாதிக்கப்பட்ட பெண்களை பார்த்த போது எனக்கு ஏதோ ஒரு பெரிய குறை இருக்கிறது என்று என்னை குறையுள்ள பெண்கள் நிராகரித்த சம்பவங்களும் நடந்தன….

என் தந்தை திருமண பெண் பற்றி என்னிடம் தீர்மானமாக சொல்லிய அன்றிரவு

எனக்கு உயிர் கொடுத்து, உயிராய் பார்த்து கொள்ளும் தந்தையா?

அல்லது

என்னை அவளின் உயிரை விட மேலானவனாக கருதிய அப்பாவி ஏழை பெண் காதலியா?

-    யார் முக்கியம் என்று மிக தீவிரமாக யோசித்தேன்…

தற்கொலை பண்ணிக் கொள்ளலாமா என்று கூட யோசித்தேன். தற்கொலை பற்றி யோசித்த உடனே என் உயிர் நண்பன் ராம் 1996 – ம் வருடம் சொன்ன விஷயம் தான் உடனே Flash ஆனது….

தற்கொலை பண்ண வேண்டுமானால்….

கிணற்றில் குதித்து உயிரை விடலாம்

ஆற்றில் குதித்து உயிரை விடலாம்

கடலில் குதித்து உயிரை விடலாம்

Train முன் குதித்து உயிரை விடலாம்

Current – ல் கை வைத்து உயிரை விடலாம்

மருந்து குடித்து உயிரை விடலாம்  – இப்படி நூறு வழி இருக்கு மச்சான்….

செத்து போகவே நூறு வழி இருக்கும் போது உயிர் வாழ ஒரு வழி இருக்காதா? யோசி மச்சான் – என்று எனக்கு அவன் சொன்ன அறிவுரை தான் ஞாபகத்திற்கு வந்தது….

ஒரு கட்டத்தில் நன்கு யோசித்த பிறகு, எனக்கு என் வாழ்க்கையில் எல்லாமும் ஆன என் தந்தைக்கு எதிராக ஒரு முடிவு எடுக்காமல், என் தந்தை சொன்ன பெண்ணை அவர் திருப்திக்கு முதலில் பெண் பார்ப்போம் என்று முடிவு செய்து பெண் பார்க்க ஒப்புக்கொண்டேன்.

என் காதலி என்ன ஆனாள்?

அடுத்த கடிதத்தில் விரிவாக…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , , , ,

கடிதம் – 9 – காதல்

கடிதம்  9 காதல்

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

என்னுடைய வாழ்க்கையை ஆண்டாளுக்கு முன், ஆண்டாளுக்கு பின் என இரண்டு வகையாக பிரிக்கலாம்… ஆண்டாளுக்கு முன் என்றால் என் வாழ்க்கையில் ஆண்டாள் வருவதற்கு முன் என அர்த்தம் கொள்ளவும்….

பள்ளியாகட்டும், கல்லூரியாகட்டும் சொக்கலிங்கத்தை பிடித்தவர்கள் 10 பேர் என்றால் பிடிக்காதவர்கள் 100 பேர் இருப்பார்கள் காரணம் சொக்கலிங்கத்திற்கு,

  • கடவுள் நம்பிக்கை அறவே இல்லை
  • படிப்பு சுமார்
  • ஆசிரியரிடம் நல்ல பெயர் இல்லை
  • சிகரெட் இல்லாமல் சொக்கலிங்கத்தை கல்லூரியில் பார்த்து இருக்கவே முடியாது
  • சொக்கலிங்கம் நண்பர்களுடன் குடித்தால் அன்று இரவு நூற்றுக்கணக்கான பேர்களின் வெறுப்பை சம்பாதிக்காமல் சொக்கலிங்கம் தூங்கியதாக வரலாறு கிடையாது…..
  • வீட்டின் கஷ்டம் தெரியாது. நான் ஊர் சுற்ற, பணக்காரன் போல செலவு செய்ய எனக்கு பணம் அனுப்பிய என் அப்பா, கடைசியில் தன் 25 வருட உழைப்பில் சென்னை அடையாரில் வாங்கி குடியிருந்த MIG வீட்டையும் விற்று என்னை சந்தோஷமாக வைத்து கொண்டார்…
  • Tution fees, Exam fees, Lab fees, Mess fess, Hostel fees என எப்போது பணம் கேட்டாலும் பணம் அனுப்பிய என் அப்பா, என்னுடைய தவறுகளை யாராவது அவரிடம் எடுத்து சொன்னால் சொல்லக் கூடிய ஒரே விஷயம் என் மகனுக்கு தவறு என்று தெரியவரும் போது அவன் அதை விட்டு வெளியே வந்து விடுவான் என்பதை தான்.
  • அந்த ஒரே நம்பிக்கை தான் என்னை மனிதம் பற்றி புரிந்து கொள்ள வைத்து, என்னையும் மனிதனாக்கியது…
  • ஒரு சூழ்நிலையில் என் அப்பாவிற்கு ரொம்ப, ரொம்ப பிடித்த தன் மனைவி வெறும் மஞ்சள் கயிறோடு நின்ற போது கூட என்னிடம் ஏன் இப்படி செலவு செய்கிறாய் என்று கேட்டது கூட இல்லை…
  • என் அம்மாவோ என் அப்பாவை விட ஒரு படி மேல் நான், என் நண்பர்கள் எல்லோரும் சிகரெட் பிடிக்க கற்று கொண்டோம் என்று தெரிந்த உடன் ஒரு நாள் என் வீட்டில் சாப்பிட வந்த என் நண்பனிடம் நல்ல Cigarette ஆக வாங்கி பிடியுங்கள். மட்டமான சிகரெட் – லாம் பிடிக்காதீர்கள் என்று அறிவுரை சொன்னார் என்றால் என் அம்மாவின் வெகுளித்தனத்தை புரிந்து கொள்ளுங்களேன்….

இது போன்ற அம்மா, அப்பாவின் ஒரே பிள்ளையான எனக்கு 11 – ம் வகுப்பு படிக்கும் காலத்தில் இருந்து எங்கள் எதிர்வீட்டு பிராமண பெண்ணுடன் காதல்…

நாளாக, நாளாக மிகுந்த நெருக்கத்தை கூட்டி கொண்டே போனது அந்த காதல்… நான் கல்லூரிக்கு சென்றவுடன் மேலும் வலுவடைந்தது அந்த காதல்…   1991 – ல் நாங்கள் குடியிருந்த வீட்டை விற்பதற்கு ஒரு மாதத்திற்கு முன் என் தந்தை என்னிடம் சாதாரணமாக பேசிக் கொண்டியிருந்த போது, அரசியலும், காதலும் நம் குடும்பத்தில் யாருக்கும் கூடாது என பொதுவாக கூறினார்… நானோ, என்  பெரியப்பா பெண்ணோ, பெரியப்பா பையனோ யாரும் எதுவும் அப்போது எந்த கருத்தும் சொல்லவில்லை…. அது என்னவோ அந்த வார்த்தை எனக்கே சொல்லப்பட்ட விஷயம் போல் இருந்ததால் என் தந்தை சொல்லிய வார்த்தைகள் பற்றி யோசிக்க ஆரம்பித்தேன்….  அதே சூழ்நிலையில் நாங்களும் கடனால் குடியிருந்த வீட்டை விற்று விட்டு திருநெல்வேலிக்கே சென்று விட்டோம். நானும் 1992 – ம் வருடம் படிப்பை முடித்து உடனே வேலையும் கிடைக்க பெற்று ஆந்திராவில் உள்ள Metpally சர்க்கரை ஆலைக்கு பணி செய்ய சென்று விட்டேன்… இப்போது போல அப்போது செல்போன் எல்லாம் கிடையாத காலம் என்பதால் நான் காதலித்த பெண்ணுடன் அதன்பிறகு எந்தவித தொடர்பும் இல்லாமல் போய்விட்டது…

1994 – 1997 ஏறத்தாழ சுனாமியும், 200km வேகத்தில் புயலும், 10 R.Scale க்கு நில நடுக்கமும் ஏற்பட்டது போல் ஏகப்பட்ட பிரச்சினைகள் என் வாழ்க்கையில்….

  • உடல் நலம் பாதிப்பு எனக்கும், என் அப்பாவிற்கும் பெரிய அளவிலே
  • செத்த நாய் மேல் எத்தனை வண்டி ஏறினா என்ன? என்பது போல் நொறுங்கி கிடந்த எங்களுக்கு எத்தனை, எத்தனை அடி; அவமானங்கள்; ஏமாற்றங்கள்; கஷ்டங்கள்; வருத்தங்கள்….

1999 – Feb – 5 வெகு ஏதேச்சையாக என் நண்பர்களை சந்தித்து பேசிக்கொண்டு இருந்த போது, என்னுடைய ஒரு நண்பன், சொக்கு, உன் உயிரானவள் அவள்  அக்காவின் வீட்டில் தான் இருக்கிறாள். போய் பார்க்கலாமா என்று கேட்டான். வானத்தில் இருக்கின்ற நட்சத்திரங்கள் எல்லாம் நிலவாகியது போல் ஒரு சந்தோஷம் எனக்கு…

அடுத்து நடந்தது என்ன?

அடுத்த கடிதத்தில்…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , ,

கடிதம் – 8 – சகுனம்

 

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

மாதா, பிதா, குரு, தெய்வம் – இந்த வரிசை சரியா, தவறா என்றால் தவறு என்று தான் கூறுவேன்….

என்னை பொறுத்தவரை

தெய்வம், மாதா, பிதா, குரு – தான் சரியான வரிசையாக இருக்க முடியும். இதற்கு காரணமாக என் வாழ்க்கையில் நான் கண்ட, பார்த்த, அனுபவித்த எத்தனையோ உதாரணங்களை கூற முடியும்….

அதில் ஒன்று….

என் அப்பா 1999 – ல் காலமானதற்கு பிறகு என் அம்மாவின் நடவடிக்கை முற்றிலுமாக மாறி விட்டது. இரவு 2 மணிக்கு, 3 மணிக்கு எழுந்து பார்த்து  எல்லோரும் தூங்கியதை உறுதிபடுத்திய பின் என் தந்தையை நினைத்து அவர் அழாத நாட்களே கிடையாது. நான், என் மனைவி, குழந்தைகள் உணவருந்த, படம் பார்க்க செல்லும்போது கூட வருவதோடு சரி….  யாரைப் பற்றி குறை கூறவோ, பேசவோ மாட்டார்கள்…  மற்றவர்களிடம் பேசுவதையும் குறைத்தும் கொண்டார்கள். வீடு உண்டு…. பொருட்கள் வாங்க வெளியே செல்வதுண்டு… என்று தனக்கென்று ஒரு வட்டம் அமைத்து வாழ ஆரம்பித்து விட்டார்கள். எங்கள் பக்கத்து வீட்டை புதியதாக ஒருவர் வாங்கி குடியேறும் வரை எல்லாம் சரியாக போய்கொண்டு இருந்தது…

பக்கத்து வீட்டில் குடி இருப்பவர்கள் சகுனம் பார்ப்பவர்கள்….  குறிப்பாக அந்த வீட்டின் ஆண் வெளியே புறப்படும் போது விதவையோ, குழந்தைபேறு இல்லாதவர்களோ எதிரே வந்தால் வீட்டின் உள்ளே சென்று, சிறிது நேரம் கழித்து அவர் வேலைக்கு போவார். இந்த விஷயத்தை பக்கத்து வீட்டு பெண்மணி ரொம்ப, ரொம்ப தீவிரமாக நடைமுறைபடுத்தி வந்தார்…

அன் அம்மாவை பார்த்தும் பல முறை பக்கத்து வீட்டுக்காரர்கள் இப்படி நடந்து கொண்டிருக்கிறார்கள்…. இதனை சரியாக கண்டுபிடித்த என் தாயார் இந்த விஷயத்தை யாரிடமும் சொல்லாமல் இன்னும் கஷ்டப்பட்டு கொண்டிருந்திருக்கிறார். இந்த சூழ்நிலையில் என் மனைவி என் அம்மாவின் முக வாட்டத்திற்கான காரணத்தை மிகத்துல்லியமாக யூகித்து விட்டார்…  என் மனைவி இந்த விஷயத்தை நன்றாக ஊர்ஜிதப்படுத்திய பின் என்னிடம் நான் மிக சந்தோஷமாக என் பையனுடன் விளையாடிக் கொண்டிருந்த போது, மிக கவனமாக, பக்குவமாக என்னிடம் சொன்னார்…..

என் மனைவிக்கு பயம் என்னவென்றால் நான் ஏதாவது பெரிய அளவில் பக்கத்து வீட்டுடன் தகராறு பண்ணிவிடுவேன் என்று…. இது போன்ற தருணங்களில் பலமுறை ஆத்திரத்தில் முடிவெடுத்து இருக்கின்றேன் ஆனால் அன்று ஏனோ யோசித்தேன் நான் சில நொடிகள் வழக்கத்திற்கு மாறாக. சில நொடிகள் யோசனைக்கு பின் மறுபடியும் என் பையனுடன் விளையாட ஆரம்பித்து விட்டேன்… என் மனைவிக்கு ஒன்றும் புரியவில்லை….  நான் பெரிய பிரச்சினையை பண்ணுவேன் என்று எதிர்பார்த்த நிலையில் நான் எதுவுமே பேசாமல் இருக்கிறேனே என்று என் மனைவிக்கும் பெரிய ஷாக்….

நான் விஷயத்தை கேள்விப்பட்ட அன்றைய இரவு தூங்கபோகும் முன் என் ஆண்டாளிடம் இரண்டு கேள்விகள் அவள் முன் வைத்தேன்….

  •  யார் செய்த பாவமோ, என் அம்மா என் தந்தையை இழந்து கஷ்டப்படுகிறார்கள்… அவர்கள் வாழும் வாழ்க்கையே எப்போது அஸ்தமிக்கும் என்பதை எதிர்பார்த்து வாழ்ந்து கொண்டிருக்கிறார்கள்…. அவர்களை ஏன் இன்னும் காயப்படுத்தினாய்? காயப்படுத்துகிறாய்?
  • எனக்கு இருக்கும் பலத்திற்கு நான் வீடு புகுந்து அவர்களை துவம்சம் செய்து இருப்பேன்… ஆனால் எப்போதும் எனக்கு சடாரென்று கோபம் வரும்…. ஆனால் இந்த விஷயத்தில் என்னை ஏன் கோபப்படாமல் செய்தாய் என்று?

கேள்விகள் முன் வைத்து விட்டு தூங்கிவிட்டேன்…

தூங்கி எழுந்த அடுத்த நாள் மிக அற்புதமாக கழிந்தது….  அந்த நாள் இரவும் இதே கேள்விகளை ஆண்டாளிடம் கொஞ்சம் கடினமாக கேட்டுவிட்டு தூங்கி விட்டேன்…

அதற்கு அடுத்த நாள் காலை – கிராமத்து வளர்ப்பான என் மனைவி “தினகரன்” பேப்பருடன் என்னை எழுப்பினார்….

அதில் ஒரு பெரிய ¼ பக்க செய்தி படத்துடன்….

அடுத்தவர் நிலத்தை போலி பத்திரம் தயாரித்து பல கோடி ஏமாற்றிய பலே திருடர்களின் தலைவன் என்று;  சகுனம் பார்த்து வேலைக்கு போன என் பக்கத்து வீட்டு ஆசாமி தான் அந்த கும்பலின் தலைவன்….

என் அப்பா இறந்துவிட்டார் என்று விஜயா மருத்துவமனை டாக்டர் என் கையை பிடித்து சொன்ன போது கூட கண்ணில் இருந்து குபுக்கென்று உடனே  கண்ணீர் வரவில்லை….  ஆனால் அந்த செய்தி படித்த உடன் அந்த நொடியே சடாரென்று கண்ணிலிருந்து நீர் கொட்டியது. அடுத்த நிமிடமே ஆண்டாள் எனக்கு செய்த நல்ல விஷயங்களை பட்டியலிட்டேன் என் மனைவியிடம்….

  • என் அம்மாவிற்கு சந்தோஷம் – விதவை பெண்களை கேவலப்படுத்தியவர்களுக்கு தண்டனை கிடைத்தது என்பதற்காக…
  • எனக்கு சந்தோஷம் – என்னை ஒரு பாவம் பிடித்த ஆசாமியிடம் சண்டை போடாமல் தடுத்து நிறுத்தி எனக்கு எந்த கெட்ட பெயரும் வராமல் தடுத்து நிறுத்தியதற்காக….
  • என் மனைவிக்கு சந்தோஷம் – தன் அத்தையை மனதளவில் காயப் படுத்தியவர்களை ஆண்டாள் தண்டித்ததற்காக….

இதில் முக்கியமான விஷயம்:-

எனக்கு விஷயம் தெரிந்த முதல் நாளுக்கும் பேப்பரில் விஷயம் வெளியே வருவதற்கு மூன்றாம் நாளுக்கும் இடையில் இருந்த இரண்டாம் நாளில் தான் கூட்டாளிகளுக்குள் பங்கு பிரிப்பதில் பிரச்சினை ஏற்பட்டு போலீஸிடம் மாட்டி இருக்கிறார்கள்…. அவர்கள் அவர்களுக்குள் சண்டை போட்டு போலீஸிடம் மாட்டாமல் இருந்திருந்தால் அவர்கள் செய்த குற்றம் யாருக்கும் தெரியாமலேயே போயிருந்திருக்கும். அவ்வளவு நூதனமான திருட்டு அது….

மாத, பிதா, குரு, தெய்வம்….   வரிசையில் என் மாதாவிற்கே பிரச்சினை வந்தபோது  எனக்கு என் தெய்வம், குலசாமி, ஆண்டாள் தான் அந்த இடத்தில் உதவி புரிந்தாள்…

ஆக என்னை பொறுத்தவரை

தெய்வம், மாதா, பிதா, குரு – தான் சரியான வரிசை….

பின் குறிப்பு:-

விதவையையும் குழந்தைபேறு இல்லாதவர்களையும் அசிங்கப்படுத்தும், கேவலமாக நடத்தும் பெண்களுக்கு நான் சொல்லி கொள்ள விரும்புவது…

விதவையின் மனம் கஷ்டப்பட்டால் அந்த கஷ்டத்தை உருவாக்கும் இன்னொரு சுமங்கலி பெண்ணையும் அவர் படும் கஷ்டம் விதவையாக்கும் வலிமை கொண்டது…  என்பதை நினைவில் நிறுத்தி கொள்ளுங்கள்….

குழந்தைபேறு இல்லாதவர்கள் மனம் நோகடிக்கப்பட்டால் அந்த கஷ்டத்தை உருவாக்கும் இன்னொரு பெண்ணையும் அவர் படும் கஷ்டம் குழந்தை இருந்தும் இல்லாமல் ஆக்கும் வலிமை கொண்டது… என்பதை நினைவில் நிறுத்தி கொள்ளுங்கள்….

பெண்களே உண்மையாக மற்ற பாதிக்கப்பட்ட பெண்களை போற்றுங்கள் கண்டிப்பாக ஆண்டாள் ஒருநாள் உங்களை தரிசிக்க வருவாள்…

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , ,

கடிதம் – 7

கடிதம்  7

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

மலர்களிலேயே

கருநெய்தல் மலர் ரொம்ப விசேஷம்

பத்மம் அதனைவிட சிறப்பு

தாமரை (100 இதழ்கள்) பத்மத்தை விட சிறப்பானது

புண்டரீகம் (1000 இதழ்கள்)  தாமரையை விட சிறந்தது

ஸ்வர்ண புஷ்பம் (தங்கத்தால் ஆனது) புண்டரீகத்தை விட சிறந்தது

ஆனால்

ஆண்டாள் – ஆண்டாள் என்கின்ற துளசி எல்லாவற்றையும் விட சிறப்பானது ; மேலோங்கியது……

இத்தகைய சிறப்பு வாய்ந்த ஆண்டாளை  நான் இதுவரை கடிதங்களில் சொன்ன  அந்த பெண்மணி 200%  நம்பியதன் பயனாக அவருக்கு கிடைத்த விஷயங்கள் கீழ்கண்டவாறு:-

  1. மகிழ்ச்சி
  2. வளர்ச்சி
  3. சந்தோஷம்
  4. ஆனந்தம்
  5. இன்பம்
  6. சுகம்
  7. செழுமை
  8. வளமை
  9. இனிமை
  10. நன்மை

உயிரோடு இருப்பதல்ல வாழ்க்கை…..

உயிர்ப்போடு இருப்பது தான் வாழ்க்கை….

  • என்று புரிய வைத்தவள் ஆண்டாள்
  • என்று புரிய வைத்து கொண்டிருப்பவள் ஆண்டாள்
  • என்று வாழ்ந்து காட்டியவள் ஆண்டாள்
  • என்று உணர்ந்து வாழ்ந்தவள் ஆண்டாள்
  • என்று வாழ்ந்து உணர்த்தி காட்டியவள் ஆண்டாள்

-    இதை 200% நான் கடிதத்தில் சொன்ன அந்த பெண்மணி புரிந்து கொண்டு நடந்தார்

  • ஆண்டாள் பூமிக்கு வந்ததும் அதிசயம்
  • ஆண்டாள் பூமியில் வாழ்ந்த வாழ்க்கையும் ஓர் அதிசயம்
  • பெருமாளை சென்று அடைந்ததும் ஓர் அதிசயம்
  • அதிசயம் நடக்கும் என நம்பியவள் ஆண்டாள்
  • அதிசயத்தை நடத்தி காட்டியவள் ஆண்டாள்
  • அதிசயத்தை நடத்தி காட்டுபவள் ஆண்டாள்

-    இதை 200% நான் கடிதத்தில் சொன்ன அந்த பெண்மணி புரிந்து கொண்டு நடந்தார்

  • தமிழர்களின் அடையாளம் ஆண்டாள்
  • தமிழர்களில் தனித்துவம் மிக்கவள் ஆண்டாள்

-  அதே போல் ஆண்டாள் பக்திக்கு சிறந்த நல் உதாரணமாக யாரையாவது கூற வேண்டும் என்று கேட்டால் நான் இந்த பெண்மணியை தான் சொல்லுவேன்…

  • இவ்வளவு சிறப்பு வாய்ந்த இந்த பெண்மணி ஆண்டாள் தங்க விமான திருப்பணிக்கு பணம் கொடுத்தார் என்பதற்காக நான் அவரை தூக்கி பாராட்ட இக்கடிதம் எழுதவில்லை
  • ஆண்டாள் தங்க விமான திருப்பணிக்கு தங்கம் கொடுத்ததால் அவரை பாராட்ட இக்கடிதம் எழுதவில்லை
  • ஆண்டாளுக்கு உரிய பணி முடிவுற இல்லை என்று என்னுடன் சேர்ந்து அவரும் கவலைப்பட்டார் என்பதற்காக சந்தோஷப்பட்டு அவரை கௌரவ படுத்த இக்கடிதம் எழுதவில்லை
  • தன்னலமற்ற பக்தியையும், பிரதிபலன் எதிர்பாரா அன்பையும் ஆண்டாள் மேல் இவர் வைத்துள்ளார் என்பற்காக ஆனந்தப்பட்டு, இக்கடிதம் எழுதவில்லை….

இந்த எல்லா நல்ல காரணங்களையும் மீறி நான் இவரைப் பற்றி சிலாகித்து கடிதம் எழுதி சந்தோஷப்படுவதற்கு காரணம் 2 விஷயங்கள் மட்டும் தான்:-

  1. இந்தப் பெண்மணி யாரும் சொல்லாத, ஆனால் எல்லோருக்கும் தெரிந்த வாழ்க்கை தத்துவத்தை எனக்கு மிக லகுவாக எளிமைப்படுத்தி கூறிவிட்டார்…
  • கொடுத்தால் தான் கிடைக்கும்
  • கொடுக்க கூட வேண்டாம் நினைத்தாலே கிடைக்கும்
  • நினைக்க கூட வேண்டாம் கிடைக்கும்னா கிடைக்கும்;
  • நடக்கும்னா நடக்கும்
  1. எனக்கு இதுவரை நான் பார்த்திராத ஆண்டாளை வேறு தளத்தில் இருந்து, வேறு கோணத்தில் புரிய வைத்து, பார்க்கவும் வைத்து விட்டார் – இந்த நிகழ்கால ஆண்டாள்..

இதைப்பற்றி கண்டிப்பாக ஆகஸ்டு 24 – ல் நடைபெறும் சேலம் கூட்டத்தில் விரிவாக விவரிக்கின்றேன்.

என்னுடைய ஆகஸ்டு 24 – ம் நிகழ்ச்சியை நான் ஆவலுடன் எதிர்பார்த்து காத்து கொண்டிருக்கிறேன்…   காரணம் உங்களுடன் சேர்ந்து நானும் அந்த பெண்மணியை தரிசனம் செய்ய….

நான் இதுவரை சொன்ன பெண்மணியின் பெயர்

திருமதி.சூர்யகலா

வாழ்க திருமதி.சூர்யகலாவும் அவர் உறவுகளும்…

நான் கஷ்டப்பட்ட நேரங்களில் எல்லாம் மரணத்தை தொட்டுவிட நிறைய சிந்தித்தது உண்டு….   இப்போது கூட யார் என்னை கேட்டாலும் வாழ்கின்ற ஒவ்வொரு நாளும் போனஸ்….   மரணம் இந்த நொடி வந்தாலும் அதை எதிர் கொள்ள தயாராக இருக்கின்றேன் என்று….   ஆனால் உண்மையில் முதன்முறையாக இக்கடிதம் வாயிலாக, உண்மையாக, மனதார ஆண்டாளிடம் வேண்டிக்கொள்வது இன்னும் இது போன்ற நிறைய பேர்களை தரிசிக்க ஆசைப்படுகின்றேன்….   என்னை இன்னும் சிறிது காலம் நான் ஆசைப்படும் வரை வாழவிடு…..

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , , ,

கடிதம் – 6

கடிதம் – 6

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

ஆண்டாள் தங்க விமான திருப்பணி தடைபெற்று நிற்கின்றதே என்று நான் வருத்தப்படாதே நாட்களே இல்லை….  குறிப்பாக சொல்ல வேண்டும் என்றால் கடந்த சில மாதங்களாக என் மனைவி, அம்மா, குழந்தைகள், நண்பர்கள், உறவுகள் என் ஞாபகத்திலேயே கிடையாது… இந்த சூழ்நிலையில் ஆண்டாள் கோவில் திருப்பணிக்காக யாரிடமும் சென்று ஆண்டாளுக்கு கொடுங்கள் என்று யாசகம் பெறவும் எனக்கு விருப்பமில்லை….

கிட்டத்தட்ட நான் உயிர் வாழ்வதே அர்த்தமில்லையோ என்று என்னை நானே நொந்து கொள்வது அன்றாட நிகழ்வாகி போனது. எத்தனையோ பேருக்குள் தன்னம்பிக்கையை புகுத்திய எனக்கு, என் ஆண்டாளுக்கு உண்டான திருப்பணியை செய்து முடிக்க முடியவில்லையே என்ற வருத்தத்தினால் நிலை குலைந்து போய் கடமைக்காக ஊர் சுற்றி கொண்டியிருந்த வேளையில், ஒரு நாள் இரவு சேலத்தில் தங்க நேரிட்டது. அந்த நேரத்தில் நண்பர்களுடன் சாதாரணமாக பேசி கொண்டு இருந்த போது ஏன் எனக்கு தெரிந்த விஷயங்களை எனக்கு தெரிந்த client – களுக்கு மட்டும் பணத்திற்காக சொல்லி தரக்கூடாது என்று ஒரு Flash ஏற்பட்டது….  அந்த எண்ணம் தோன்றிய அடுத்த நொடியே என் பக்கத்தில் இருந்த இரண்டு சேலம் நண்பர்களிடம் அது பற்றி பேசி உடனேயே அவர்கள் ஒப்புதலையும் பெற்று விட்டேன்….   அவர்கள் ஒப்புதல் கொடுத்த அந்த நொடி முதல் அந்த விஷயத்தை எப்படி வெற்றி பெற வைக்கலாம் என்று யோசிக்க ஆரம்பித்து விட்டேன். முடிவாக அதிகபட்சம் 300 பேரை கூப்பிடுவது என்றும், கண்டிப்பாக Clients – ஐ மட்டும் கூப்பிடுவது என்றும், இந்த நிகழ்ச்சியின் வாயிலாக மேலும் பல நல்ல முக்கியமான விஷயங்களை அவர்களுக்கு சொல்லி கொடுப்பது என்றும் முடிவு செய்தோம்….   அப்படி அந்நிகழ்ச்சிக்கு வருபவர்கள் ஒவ்வொருவரும் தலா ரூ.10,000/- கொடுத்தாலும் ஒரே நாளில் ரூ.30 இலட்சம் (குறைந்தபட்சம்) திரட்ட முடியும் என்ற நம்பிக்கையுடன் எனக்கு தெரிந்த சில Client – க்கு நானே சென்னை வந்த பின் தொலைபேசியில் தொடர்பு கொண்டு நிகழ்ச்சியை பற்றி சொல்ல ஆரம்பித்தேன்…   அதில் ஒரு பெண்மணிக்கு நான் phone செய்த போது அவர் ஸ்ரீவில்லிபுத்தூர் ஆண்டாள் கோவிலில் நடைபெறும் சயன சேவையை பார்ப்பதற்காக ஸ்ரீவில்லிபுத்தூர் செல்ல ஏதுவாக சென்னை கோயம்பேட்டில் உள்ள பேருந்து நிலையத்தில் பேருந்து எதுவும் கிடைக்காதா என்ற பரபரப்பில் நின்று கொண்டு இருந்தார்…  அவர் அந்த பரபரப்பிலும் நான் சொன்ன விஷயத்தை கேட்டுவிட்டு ரொம்ப சந்தோஷம் என்று சொல்லி சேலத்திற்கு கட்டாயம் வருவதாக வாக்குறுதி கொடுத்தார்…..

அந்த பெண்மணியை பற்றி ஒரு சிறு குறிப்பு:-

  • அவர் திருமணமானவர்
  • மூத்த பெண் திருமணம் ஆகி அமெரிக்கா – வில் வசிக்கிறார்
  • மகன் B.E., முடிக்க இருக்கிறார்
  • கணவருக்கு நல்ல நேர்மையான தொழில்
  • மொத்தத்தில் இந்த குடும்பம் ஒரு Upper middle Class குடும்பம்

எனக்கும், நான் குறிப்பிடும் இந்த பெண்மணியின் குடும்பத்திற்கும் உள்ள தொடர்பு 3 வருடத்திற்குள் தான் இருக்கும்….

நான் குறிப்பிடும் பெண்மணி என்னுடைய தொலைபேசி உரையாடலுக்கு பிறகு 7 – 8 நாள் சென்று என்னை பார்க்க என் அலுவலகம் வந்து இருந்தார்….   வந்தவர் சார் நீங்கள் எனக்கு போன் செய்து பேசிய பிறகு ரொம்ப கஷ்டமாகி போய்விட்டது; ஆண்டாள் திருப்பணி நடக்கவில்லையே என்று நீங்கள் படும் கவலையினால் நான் கடந்த 5 நாட்களாக தூங்கவே இல்லை சார்….   என்று சொல்லிவிட்டு ரூ.1 லட்சத்தை எடுத்து என் கையில் கொடுத்தார்….   என்னம்மா எதுக்கு இந்தப்பணம் என்றபோது அவர் சொன்ன வார்த்தைகள் தான் கூர்ந்து கவனிக்கத்தக்கவை….

  1. என் கணவர் எங்களுடைய பெண் மாதமாக இருப்பதால் அவளை பக்கத்தில் இருந்து பார்த்து கொள்ள அமெரிக்கா போய் இருக்கின்றார்…   போகும் போது எனக்கு கையெழுத்து போட்ட 3 பிளான்க் காசோலைகளை கொடுத்து விட்டு தான் போனார்….  எங்கள் வங்கியிலும் பணம் உள்ளது… இருந்தாலும் நான் பணத்தை எடுத்துவிட்டால் அது ஏதாவது தொழில் சார்ந்த வகையில் தவறாகி போய் விட்டால் என்கின்ற பயத்தால் நான் என் நகைகளை வங்கியில் அடமானம் வைத்து இந்தப் பணத்தை கொடுக்கின்றேன் சார்…. எனக்கு இன்னும் ரூ.2 லட்சம் கொடுக்கணும்னு ஆசை…  நான் ஆகஸ்டு 24 நிகழ்ச்சிக்கு வருவதற்கு முன் கண்டிப்பாக கொடுக்க முயற்சிக்கின்றேன் என்று உறுதியும் கொடுத்து விட்டு கிளம்பி விட்டார்…
  2. பணம் இருக்கிறவர்கள் பணம் கொடுப்பது பெரிய விஷயம் அல்ல….   ஆனால் இந்த பெண்மணி விஷயத்தில் கூர்ந்து நோக்க கூடிய விஷயங்கள் பின்வருமாறு:-
  • ஆண்டாள் திருப்பணி தடைபெற்று நிற்கின்றதே என்று கவலையில் தூக்கம் தொலைத்தவரும் இவர் தான்
  • ஆண்டாளுக்கு சேராத தங்கம் தனக்கும் தேவையில்லை என்று சொன்னவரும் இவர் தான்; ஆண்டாளுக்குரிய தங்கம் சேராத போது நான் மட்டும் நகைகளை அணிவது தவறு. அவ்வாறு அணியும் போதெல்லாம் அது தனக்கு உறுத்தலாக இருக்கின்றது என்று கூறி இதற்கு முன்னரே ஏறத்தாழ அவருடைய எல்லா நகைகளையும் ஆண்டாளுக்கு கொடுத்தவரும் இவர்தான்…
  • நகைகள் மேல் எனக்கு ஆசையே போய்விட்டது என்று கூறி நினைவு வரும்போதெல்லாம் ஆண்டாளுக்கு கொடுப்பதையே முக்கிய கடமையாக கருதுபவரும் இவர் தான்…
  • உலகமே தங்கத்தின் பின்னால் தவமிருக்கும் போது தங்கம் வேண்டாம் என்று சொன்னவரும் இவர்தான்…
  • இவர் மட்டும் தான் இரண்டு வருடங்களுக்கு முன்னரே ஆண்டாள் பி. சொக்கலிங்கம் சார் ஜெயா டிவியின் வாயிலாக 10 கிலோ தங்கம் கொடுக்கின்றேன் ஆண்டாளுக்கு என்று வாக்குறுதி கொடுத்து விட்டு வந்து விட்டாரே; சார் – ஆல் அந்த வாக்குறுதியை நிறைவேற்ற முடியுமா என்று வருத்தப்பட்டு தூக்கத்தை தொலைத்தவரும் இவர் தான்….
  • இவர் கனவிலே ஆண்டாளே தோன்றி என் சொக்கலிங்கத்தை நான் பார்த்து கொள்கிறேன்; நீ கவலைபடாதே என ஆண்டாளாலே ஆறுதல் கூறப்பட்டவரும் இவர் தான்….

இந்தப் பெண்மணியின் வாழ்வில் இருந்து நமக்கு கிடைக்கும் சமிக்ஞைகள் கீழ்கண்டவாறு:

  • ஆண்டாளுக்கு இல்லை என்கின்ற ஒரு விஷயம் நமக்கு எதற்கு என்கின்ற இவரது எண்ணம் மனிதன் கடவுளாகி விட்டான் என்கின்ற நிலையை இவர் வாழும்போதே பெற்று விட்டார் என்று தான் கூறுவேன்.
  • ஆண்டாளுக்குகாக தன்னை வருத்தி கொண்ட இந்த பெண்மணியை பார்க்கும் போது எப்படி உறங்கா அரங்கனை அடைய ஆண்டாள் தன்னை வருத்தி கொண்டாள் என்கின்ற அந்த விஷயம் மட்டும் தான் நினைவுக்கு வருகின்றது….

தன்னை இவர் வருத்தி கொண்ட தன்னலமற்ற நிகழ்வில் மற்றொரு விஷயமும் புதைந்து இருக்கின்றது….

அது பிரதிபலன்  எதிர்பாரா அன்பு….

இந்த ஒரு விஷயம் தான் ஒவ்வொரு மனிதனுக்கும் கட்டாயம் இருக்க வேண்டிய விஷயம்….

நீ எனக்கு கொடு; நான் உனக்கு கொடுக்கின்றேன் என்று Corporate Company -  களின் Business deal ஆக இல்லாமல் என்னிடம் இருப்பது எனக்கு நீ கொடுத்தது; என்னிடம் இருப்பது எல்லாமே உனக்கு சொந்தமானது; உனக்கு மட்டுமே சொந்தமானது என்கின்ற இந்த உண்மையை உணர்ந்த இந்தப் பெண்மணிக்கு

கிடைத்த விஷயங்கள் என்ன?

நான் ஏன் சந்தோஷப்பட்டேன்?

விவரங்கள் என் அடுத்த கடிதத்தில்….

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , , , , ,

கடிதம் – 5

கடிதம் – 5

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

இதுவரை என்னால் எத்தைனையோ பேர் ஸ்ரீவில்லிபுத்தூர் ஆண்டாள் கோவில் தங்க விமான திருப்பணிக்கு தங்கமும், பணமும் கொடுத்திருக்கிறார்கள்….

தன்னலம் பார்க்காமல் இதுவரை தங்க விமான திருப்பணிக்கு தங்கமும், பணமும் கொடுத்து உதவிய ஆயிரக்கணக்கானோர்களை மூன்று பிரிவாக பிரிக்கலாம்.

முதல்பிரிவினர்:

முதல்பிரிவினர் 70% பேர் என்று வைத்து கொண்டால், அந்த 70% பேர்களும் ஒன்று தன்னிடம் மிகையாக இருந்த தங்கத்தை கொடுத்து இருப்பார்கள்….

அல்லது

தங்கம், பணம் கொடுத்தால் நல்லது நடக்காதா என்று நினைத்து கொடுத்து இருப்பார்கள்….

அல்லது

நல்ல புண்ணிய காரியத்திற்கு கொடுத்தால் நல்லது என்று எண்ணி கொடுத்திருப்பார்கள்….

அல்லது

எனக்கு இந்த கோரிக்கை முடிந்தால் நான் உனக்கு தங்கம் தருகிறேன் என்று வேண்டி, அப்படிப்பட்ட கோரிக்கை நிறைவேறிய பின் தங்கம் கொடுத்திருப்பார்கள்…

இரண்டாம் பிரிவினர்:

இரண்டாம் பிரிவினர் 20% பேர் என்று வைத்து கொண்டால், அந்த 20% பேர்களும் நான் சொன்னேன் என்பதற்காக மட்டும் கொடுத்திருப்பார்கள்….

மூன்றாம் பிரிவினர்:

மூன்றாம் பிரிவினர் 10% பேர் என்று வைத்து கொண்டால், அந்த 10% பேர்களும் எதையும் எதிர்பாராமல் ஆண்டளுக்காக மட்டுமே கொடுத்திருப்பார்கள்…

மூன்றாம் பிரிவில் உள்ளவர்களில் ஆண்டாளுக்கு தங்கம் கொடுத்தவர்களின் பின்புலத்தை பார்த்தோமேயானால் அதில்

  • சந்தர்ப்ப சூழ்நிலைகளால் தவறானவளாக ஆக்கப்பட்டு, பின்னால் தன்னை நம்பியவர்களின் வயிறு நிறைய வேண்டும் என்பதற்காக தன்னையே இழந்த ஒரு உத்தமத்தாயின் தங்க பங்களிப்பும் இத்திருப்பணியில் உண்டு….
  • தான் இறக்கப் போகிறோம் என்று தெரிந்த உடன் தன் கடைசி பேச்சாக ஆண்டாள் பி.சொக்கலிங்கத்திடம் ஆண்டாளுக்குரிய பணத்தை கொடுத்துவிடு என்று சொல்லிவிட்டு இழந்த தெய்வத்தாயும் உண்டு…
  • 100 மில்லி கிராம் – தான் அந்த வீட்டினில் இருந்த கடைசி பொட்டு தங்கம் என்கின்ற நிலையில் அந்த தங்கம் கூட தனக்குரியதல்ல என்று முடிவெடுத்து அது ஆண்டாளுக்குரியது என்று கழற்றி கொடுத்த அன்பு தாயும் உண்டு…
  • தனக்கென்று இருந்த இரண்டு ஆண் குழந்தைகளையும் விபத்தில் பரி கொடுத்தபின் தன்னுடைய இரண்டு குழந்தைகளுக்கு உரிய அத்தனை நகைகளையும் கண்பார்வை குன்றிய கணவருடன் வந்திருந்து நான் தங்கிருந்த ஹோட்டலில் எனக்காக காத்திருந்து கொடுத்து சென்ற புண்ணிய தாயும் உண்டு….

இதுபோல் நூற்றுக்கணக்கான அற்புதமானவர்கள் இந்த மூன்றாம் பிரிவின் கீழ் வந்தாலும் அதில் தலையானவள் என்று நான் சொல்ல விரும்புவது நான் தொலைபேசியில் உரையாடினேன் என்று சொன்ன அந்த அற்புத, ஆனந்த ஆத்மாவைத் தான் சேரும்…

நதிகள் என்றுமே நனைவதில்லை

நெருப்பு என்றுமே குளிர் காய்வதில்லை

காற்றுக்கு என்றுமே வியர்ப்பதில்லை

-    பாரசீக கவிஞரின் அற்புத வைர வரிகள் வேறு யாருக்கு பொருந்தும் என்று எனக்கு தெரியாது. ஆனால் நான் மேற்சொன்ன அந்த பெண்மணிக்கு அந்த வார்த்தை மிக கச்சிதமாக, மிக சரியாக, மிக துல்லியமாக பொருந்தும்….

நான் இந்த அளவிற்கு பாராட்டுவதற்கு என்ன காரணம்?

அப்படி என்ன அந்த பெண்மணி சொன்னார்?

அப்படி என்ன அந்த பெண்மணி செய்தார்?  -  என்பதை அடுத்த கடிதத்தில் விவரிக்கின்றேன்.

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , , , ,

கடிதம் – 4

கடிதம் – 4

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

நான் இதற்கு முன் குறிப்பிட்ட சந்தோஷத்தை பகிர்ந்து கொள்ளும் முன், எனக்கும் ஆண்டாளுக்கும் உள்ள தொடர்பை சுருக்கமாக சொல்லி விடுகின்றேன்…

  • என்னை ஒன்றுமே இல்லாதவன் என ஆக்கியவளும் ஆண்டாள் தான்
  • என்னுள் ஒன்றும் இல்லை என ஆக்கியவளும் ஆண்டாள் தான்

பகலை பகலுக்கு முந்திய இரவும்,

இரவை இரவுக்கு முந்திய பகலும் தீர்மானிக்கின்றது என்றார் ஒரு கவிஞர்

ஆனால் எனக்கோ என்னுடைய பகலும், இரவுமே ஆண்டாள் தான்….

-    இந்த எண்ணம் என்னுள் முழுவதும் வியாபித்து இருப்பதால் தான் என்னவோ, சந்தோஷங்கள் என்னை எப்போதும் பெரிய அளவில் சந்தோஷப் படுத்துவதில்லை…

-    இதுவரை ஆண்டாள் கோவிலுக்கு 1500 தடவைக்கு மேல் தனியாகவும், நண்பர்களோடும், குடும்பத்தினருடனும் போய் வந்து இருப்பேன் என நினைக்கின்றேன்….

எப்போதெல்லாம் ஆண்டாள் கோவிலின் மூலஸ்தானத்தில் நின்று ஆண்டாளை பார்த்தாலும் அப்போதெல்லாம் நான் ஆண்டாளை வேண்டுவது இரண்டு விஷயங்கள் தான்…

  1. உன்னை பார்க்கும் இந்த நொடியே எனக்கு மரணத்தை கொடு என்பது தான்… நான் எப்போது ஆண்டாளை பார்த்தாலும், நான் பார்க்கும் அந்த முதல் ஷனம் எந்த காலகட்டத்திலும், எந்த சூழ்நிலையிலும் ஒரு பரிபூரணத்துவத்தை மட்டும் தான் எனக்குள் ஏற்படுத்தும்….   இதற்கு மேல் வாழ்க்கை கிடையாது… இருந்தாலும் வேண்டவே வேண்டாம் என்பது தான் அந்த நிலை… அந்த அற்புத நிலை எப்பொழுதெல்லாம் எனக்கு கிட்டியதோ, அப்போதெல்லாம் நான் ஆண்டாளை உணர்ந்து இருக்கின்றேன்…
  2. அந்த நிலைக்கு அடுத்து நான் சகஜ நிலைக்கு திரும்பியவுடன் ஆண்டாளிடம் நான் வேண்டி, வேண்டி, விரும்பி, விரும்பி கேட்டுக்கொள்வது என்னவென்றால், தயவுசெய்து எனக்கு நிறைய பிரச்சினைகளை கொடு என்பது தான்…  காரணம் எப்பொழுதெல்லாம் எனக்கு பிரச்சினை உண்டாகிறதோ அப்பொழுதெல்லாம் எனக்கு ஆண்டாள் உதவி புரிவாள் என்பது நான் மட்டும் அறிந்த, எனக்கு மட்டும் புரிந்த உண்மை…

மேற்சொன்ன இரண்டு விஷயங்களின் மேல் உள்ள என் அசைக்க முடியாத மன உறுதி தான் விலாசம் இல்லாமல் அனுப்பபட்ட கடிதம் போல் இருந்த என்னை பல நூறு பேருக்கு விலாசமாக்கி உள்ளது. தரையில் புதைந்து போக இருந்த என்னை வளரவைத்து பலர் வானமாய் வளர வழி வகுத்து இருக்கின்றாள் என்பதை பரிபூரணமாக உணர்ந்து இருக்கின்றேன்….

அந்த உணர்வு தான் இன்றளவிலும் நிறைய பேருக்கு உதவக் கூடிய வகையில் என் வாழ்க்கையை கைபிடித்து கொண்டு செல்கின்றது….

என் அளவில், நான் சொல்லியதால் ஆண்டாளை தரிசனம் செய்தவர்கள், செய்து கொண்டு இருப்பவர்கள் நிறைய பேர் உண்டு…

ஆண்டாள் தரிசனத்தால், ஸ்ரீவில்லிபுத்தூர் மண்ணை மிதித்த புண்ணியத்தால்

  • குழந்தை பேறு கிடைக்கப் பட்டவர்களின் எண்ணிக்கையை கணக்கிலிட முடியாது
  • திருமணப் பேறு கிடைக்கப் பட்டவர்களின் எண்ணிக்கையை கணக்கிலிட முடியாது
  • உடல் நலம் சீரானவர்களின் எண்ணிக்கையை கணக்கிலிட முடியாது
  • பணத்தை இனி நம் வாழ்க்கையிலே பார்க்கவே முடியாது என்ற நினைவோடு இந்த மண்ணிற்கு வந்து இன்று தனியாக அமர்ந்து எண்ணவே முடியாத அளவிற்கு பணம் சேர்த்தவர்களும் நிறைய உண்டு.

இப்படி தன்னை நம்பிய எல்லோருக்கும் எல்லா நல்ல விஷயங்களையும் கொடுக்கும் இப்பூவுலகின் தாய்க்கு தங்க விமான திருப்பணி நடைபெறுகின்றது என்று தெரிந்து இருந்தும் தெரியாதது போல இருப்பதை தான் என்னால் பொறுத்து கொள்ளவே முடியவில்லை….

கலையின் மூலமான ஆண்டாளையே தென்கலை சார்ந்தவள் என பிரித்து, வடகலை, தென்கலை என்கின்ற பாகுபாட்டால் தங்க விமான திருப்பணி இன்று தடை பெற்றிருக்கிறது என்பது மிகுந்த வருத்தத்துக்குரிய செய்தி….

ஆண்டாளால் பயன் பெற்றவர்களும் இப்பணியை முடிக்க தேவையான பணத்தை கொடுக்க முன் வரவில்லை….

ஆண்டாளை மட்டும் பேசி பணம் பெற்றவர்களுக்கும் இப்பணியை முடிக்க மனது வரவில்லை…

மொத்தத்தில் பணம் இருந்தாலும் செய்ய மனம் இல்லை என்கின்ற விஷயத்தை மிகுந்த கஷ்டத்துடன் என் மனதிற்கு பிடித்த ஒரு சகோதரியிடம் ஏதேச்சையாக தொலை பேசியில் சொல்ல நேரிட்டது…

அந்த உரையாடல் மற்றும் அதன்பின் நடந்த நிகழ்வுகளை நான் அடுத்த கடிதத்தில் விளக்கமாக கூறுகின்றேன்….

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , ,

கடிதம் – 3

கடிதம் – 3

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

 வாழ்க வளமுடன்

அனைவருக்கும் வணக்கம்…

என் வாழ்க்கையில் வாஸ்துவினால் கிடைத்த சந்தோஷங்கள் என்று நிறைய உண்டு…

அதேபோல் அதற்கு சரிசமமாக கஷ்டங்களும் நிறைய உண்டு….

கஷ்டம் – 1

அதிலும் குறிப்பாக என்னை வாஸ்துவிற்காக சந்தித்த பிறகு என் மனதிற்கு பிடித்த சில மனிதர்களுக்கு ஏற்படும் கஷ்டங்கள் என் மனதில் எப்போதும் ஆறா வடுவையும், வலியையும் கொடுத்து கொண்டே இருக்கின்றது. அப்படி என் வாழ்க்கையில் ஏற்பட்ட 3 மறக்கவேமுடியாத சம்பவங்கள்

  • தஞ்சாவூர் வல்லத்தை சேர்ந்த என் ஆருயிர் சகோதரி சித்ரா புவனேசன் அவர்களின் ஒரே மகன் விமல் – ன் விபத்து மரணம்
  • வளசரவாக்கம் சகோதரி தனலக்ஷ்மி – யின் திடீர் மரணம்
  • பாப்பிரெட்டி துரிஞ்சிபட்டி திரு.குமார் அவர்களின் மனைவி சங்கீதா மற்றும் 2 குழந்தைகளின் தற்கொலை மரணம்

- என்னை பார்க்கும் போதெல்லாம் திருமதி.சித்ரா அவர்கள் என்னை தம்பியாகவும், திருமதி.சங்கீதா அவர்கள் என்னை அண்ணனாகவும் தான் பாவித்து நடப்பார்கள்… அவர்களுக்கு இப்படி ஒரு கஷ்டமா? இப்படி ஒரு முடிவா? என்று நினைக்கின்ற போது வாஸ்து துறைக்கே நாம் வந்தது தவறு என்று நினைப்பதுண்டு… ஆண்டாள் சத்தியமாக இவர்களை நினைத்து நான் தூங்க முடியாத நாட்கள் என சில நாட்கள் இன்றும் உண்டு… இவர்கள் பட்ட / படும் கஷ்டத்தை நினைத்தால் சாப்பிடவே முடியாது…. இப்போது கூட பசி இருந்தும் சாப்பிட பிடிக்காமல் தான் இக்கடிதத்தை எழுதுகின்றேன்….

கஷ்டம் – 2

மேலும் நான் வாஸ்து பார்க்க சென்ற இடங்களில்

  • நிறைய ஏமாற்றப்பட்டு இருக்கின்றேன்
  • நிறைய அசிங்கப்பட்டு இருக்கின்றேன்
  • நிறைய அவமானப்படுத்தப்பட்டு இருக்கின்றேன்
  • நிறைய கஷ்டப்படுத்தபட்டு இருக்கின்றேன்
  • நிறைய காயப்படுத்தபட்டு இருக்கின்றேன்
  • நிறைய கேவலப்படுத்தபட்டு இருக்கின்றேன்

ஆனால் இந்த கஷ்டங்களையெல்லாம் சகித்து கொண்டு நான் வாஸ்து பார்த்தது / பார்த்து கொண்டு இருப்பது ஏன் என்றால்

  • கண்டிப்பாக அது பணத்திற்காக அல்ல….
  • கண்டிப்பாக அது பொருளுக்காக அல்ல…
  • கண்டிப்பாக அது புகழுக்காக அல்ல…

இது எதுவும் இல்லை என்றால் நாட்டு மக்களுக்கு நல்லது செய்ய வேண்டும் என்கின்ற பொது நலமா என்று கேட்டீர்கள் என்றால் அதற்கும் என் பதில் இல்லை என்பது தான்… இது எல்லாவற்றையும் விட பெரிய காரணம் ஒன்று உண்டு என்றால் அது என் சுய நலம் தான் என்று கூறுவேன்…      அதை புரிந்து கொள்ள ஒரு சின்ன பிளாஷ் பேக்….

  1. நான், என் தாய், தந்தை கஷ்டத்தின் உச்சகட்டத்தில் அனாதையாக நின்ற போது என் நண்பர்கள் தவிர வேறு யாரும் எங்கள் பக்கத்தில் உதவும் நிலையில் இல்லை… உதவகூடிய எண்ணம் கொண்ட சில உறவினர்களுக்கும் எங்களுக்கு உதவும் அளவிற்கு பொருளாதார வசதி இல்லை…. கஷ்டத்தின் அடுத்தகட்டம் என்கின்ற நிலையே கிடையாது என்கின்ற அளவிற்கு கஷ்டம். அந்தக் கஷ்டத்தில் இருந்து என்னை மீளவைத்து இன்றைக்கு நான் வாழ்கின்ற சிறந்த வாழ்க்கையின் அடித்தளத்தை அமைத்து கொடுத்தது என்னுயிர் கல்லுரி நண்பர்களான M.இராம்குமார் – USA மற்றும் S.சுகுமார் – USA தான்…
  2. முடிந்து போனான் சொக்கலிங்கம் என்கின்ற நிலையை மாற்றி எந்த முடிவையும் மாற்ற பிறந்தவன் என்கின்ற நிலைக்கு என்னை உயர்த்தி நான் வாழும் வாழ்க்கைக்கு அர்த்தத்தை உண்டு பண்ணியவர்கள் இந்த இரண்டு பேர்தான். இந்த இரண்டு பேரும் எனக்கு இடையில் வந்த உறவுகள்…. நான் வளர இப்படிப்பட்ட உறவுகளை மேலும் ஏற்படுத்தி கொள்ளவும், நான் மேலும் வெற்றி பெற எனக்கு நிறைய பேரை தெரிந்து இருக்க வேண்டும் என்கின்ற காரணத்திற்காகவும் தான் வாஸ்துவை தொடங்கினேன்.
  3. பெற்றோருக்கு ஒரே குழந்தையாக பிறந்ததால் அண்ணன் / தம்பி; அக்கா / தங்கை உறவின் ஏக்கத்தை முறியடிப்பதற்காகவும் தான் வாஸ்துவை தொடர்கிறேன்…

இதற்கிடையில் நான் பரிகாரம் விற்காத வாஸ்து நிபுணர் என்பதால் என்னால் TV – நிகழ்ச்சியை தொடர்ந்து நடத்த முடியாத வகையில் ஏற்பட்ட சிரமங்கள், என்னை கூப்பிட்டு வாஸ்து பார்த்த பின் கூப்பிட்டவர்களால் நான் சொல்லிய குறைகளை சரி செய்ய முடியாத சூழ்நிலைகள் – பின் அதனால் அவர்களுக்கு ஏற்படும் பாதிப்புகள், முத்தாய்ப்பாக ஆண்டாளுக்கு உரிய கோவிலின் தங்க விமான திருப்பணி முடிவுறா சூழ்நிலைகள் என்னை வாஸ்துவே பார்க்க கூடாது… என்கின்ற சூழ்நிலைக்கு தள்ளியது… ஆனால் என்னுடைய பலநாள் கஷ்டம், பலவகையான வருத்தங்களுக்கு அப்பாற்பட்டு ஒரு பெரிய சந்தோஷம் சமீபத்தில் கிடைத்தது…

அந்த ஒரே ஒரு சந்தோஷம் – என் வாழ்வையே அர்த்தம் உள்ளதாக ஆக்கிவிட்டது என்று கூட கூறலாம்…

அந்த நிகழ்வு பற்றி அடுத்த கடிதத்தில் விளக்கமாக கூறுகின்றேன்…

 

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips , , , ,

ஆண்டாள் பற்றி பேசுவது……

ஆண்டாள் பற்றி பேசுவது

*     சிலருக்கு வயிற்றுக்கான பொழைப்பாக இருக்கலாம்…

*     வேறு சிலருக்கு வேறு வழி இல்லாமல் வெற்று கடமையாக இருக்கலாம்…

ஆனால் எனக்கோ

*     நான் வாழும் வாழ்க்கையின் முழு அர்த்தமே ஆண்டாள் தான்…

ஆண்டாள் தான் எல்லாமே என்பதை மெய்ப்பிற்பதற்காகவே நடந்தது போல் மேலும் ஒரு நிகழ்ச்சி…

பரகால இராமானுஜதாசர் – தற்கால வைணவத்தின் தவிர்க்கவே முடியாத உண்மையான வைணவர்…. மெத்த படித்தவர்… வசதி நிறைந்தவர்…. அப்படிப்பட்ட பெருமை வாய்ந்த அற்புதமான மனிதர் ஸ்ரீவில்லிபுத்தூரில் ஆடி பூரத்தன்று (30-07-2014) அவர் தன்னுடைய சொந்த பணத்தில் எந்தவிதமான தற்பெருமையும், சுய தம்பட்டமும் இல்லாமல் வருடாவருடம் செய்து வரும் மிகப்பெரிய அன்னதானத்தை என்னை துவக்கி வைக்குமாறு கேட்டு கொண்டார். அவர் வேண்டுகோளுக்கிணங்க நண்பர்கள் சேலம் ரங்கநாதன், அடையார் அபுதாலிப், திருச்செங்கோடு நாகராஜன், செந்தூர் சுப்பிரமணியன், பெரியமணலி சரவணன் முன்னிலையில் அன்னதானத்தை துவக்கி வைத்த போது எடுத்த படங்கள்:-

20140730_064644 20140730_064617 20140730_064611 20140730_064600 20140730_064554 20140730_064532 20140730_064430

Daily Tips , , ,

கடிதம் – 2

ஸ்ரீமத்யை விஷ்ணு சித்தார்ய மனோ நந்தன ஹேதவே!!

நந்த நந்தன ஸீந்தர்யை கோதாயை நித்ய மங்களம்!!!

வாழ்க வளமுடன்

அனைவருக்கும் வணக்கம்…

24, ஆகஸ்டு 2014 அன்று சேலம் அடையார் ஆனந்த பவன் அரங்கத்தில் வைத்து, என்னிடம் வாஸ்து பார்த்தவர்களுக்கு மட்டும் (300 நபர்களுக்கு மிகாமல்) எனக்கு தெரிந்த வாஸ்து, ஆழ்நிலை ஆண்டாள் தியானம் கற்று கொடுக்க முடிவு செய்துள்ளேன்…

இதற்கு தலையாய காரணம் என் எதிர்கால குறிக்கோளை அடைய என்னை சற்று ஒருமுகப்படுத்த வேண்டி இருப்பது தான். அதிலும் குறிப்பாக நான் இன்றிலிருந்து அடுத்த 2 – வருடங்களுக்குள் வாஸ்து துறையில் இருந்து படிப்படியாக விலகினால் தான் என் வாழ்க்கையின் இலக்கை அடைய முடியும் என்பதில் நான் தெளிவாக, தீர்மானமாக இருக்கின்றேன்…

நான் மிகப்பெரிய அளவில் வளர்ந்தது என்னிடம் வாஸ்து பார்த்தவர்களால் என்கின்ற போது, என்னிடம் வாஸ்து பார்த்த அனைவரும் வளர்ந்து விட்டார்களா, வளர்ச்சி அடைந்து விட்டார்களா என்று பார்த்தோமேயானால் அதற்கு பதில் “இல்லை” என்பது தான்…. பல ஆயிரக்கணக்கானவர்களுக்கு நான் வாஸ்து பார்த்து இருந்தாலும் அதிலிருந்து 300 பேரை மட்டும் சேலத்திற்கு வரவழைக்க வேண்டிய காரணம் என்னவென்று பார்த்தோம் என்றால் “இல்லை” என்ற சொல்லை இல்லாமல் ஆக்க வேண்டும் என்பது தான் அதன் நோக்கமாகும்…

அது ஏன் இந்த பயிற்சி என்னிடம் வாஸ்து பார்த்தவர்களுக்கு மட்டும் என்றால்

என்னிடம் வாஸ்து பார்த்தவர்களுக்கு நான் சில நல்ல விஷயங்களை சொல்ல வேண்டிய / செய்து கொடுக்க வேண்டிய கடமை உள்ளது…. கட்டாயமும் உள்ளது…

அதிலும் குறிப்பாக

  •   அறைகுறையாக வாஸ்து குறைகளை சரி செய்து இருப்பவர்கள்
  •   வாஸ்து குறைபாடுகளை அறவே செய்ய முடியாத அளவிற்கு  வறுமையில் இருப்பவர்கள்.

- இந்த 2 வகை பிரிவில் உள்ளவர்களின் குடும்ப சூழ்நிலையை பார்த்தோமேயானால், இன்றும் அந்தக் குடும்பங்களில்

v  கடன் சுமை இருக்கும்

v  தொழில் நஷ்டம் இருக்கும்

v  வேலையின்மை இருக்கும்

v  குழந்தையின்மை இருக்கும்

v  திருமண தடை இருக்கும்

v  உறவுகள் பிரிந்து இருக்கும்

v  பெருத்த ஏமாற்றங்கள் இருக்கும்

v  அர்த்தம் இல்லா வாழ்க்கை இருக்கும்

இப்படி பிரச்சினையில் தத்தளித்து கொண்டு இருப்பவர்களுக்கு

வாஸ்துவையும் புரிய வைப்போம்;

பிரச்சினைகளில் இருந்து தப்பிக்க, ஜெயிக்க ஆண்டாள் தியானம் எந்தளவு முக்கியம் என்பதையும் அறிய வைப்போம்;

வாஸ்துவினால் ஜெயித்தவர்களையும் பேச வைப்போம்;

வாஸ்து சரியில்லை என்று சொல்வோரையும் தெளிய வைப்போம்;

என்பதற்காக தான் இந்த கூட்டம் நடைபெற இருக்கின்றது…..

மேற்சொன்ன விஷயங்கள் பொதுநலம் சார்ந்தது என்றால்…. இந்த கூட்டத்தில் என்னுடைய சுயநலம் என்று ஒன்று உள்ளது…. அது என்னவென்றால் வருகின்ற அழைப்பாளர்கள் ஸ்ரீவில்லிபுத்தூர் ஆண்டாள் தங்கவிமான திருப்பணிக்காக தலா ரூ.10,000/- கொடுத்தால் கூட 300 நபர்களுக்கு ரூ.30 இலட்சம் என்கின்ற இலக்கை அடைந்து ஆண்டாள் கோவில் தங்க விமான திருப்பணிக்கு சிறிய அளவில் உதவ முடியும் என்பதுதான்…

என்னை பொறுத்தவரை விலைமதிப்பில்லா என் ஆராய்ச்சி விஷயங்களை என் மக்களுக்காக, என்னை நம்பியவர்களுக்காக கொடுப்பதில் எனக்கு மிகுந்த சந்தோஷமே….

இந்த இடத்தில் நிறைய நண்பர்கள் (என்னிடம் வாஸ்து பார்க்காதவர்கள்) நாங்களும் இதில் பங்கேற்க வேண்டும் என ஆசைப்படுகிறார்கள்… அவர்களுக்கு நான் சொல்லி கொள்ளும் ஒரே விஷயம் நீங்கள் நிகழ்ச்சியில் பங்கேற்க ஆசைப்படுவது கண்டிப்பாக எனக்கு மகிழ்ச்சியை தான் கொடுக்கும்…

வாஸ்து வாடிக்கையாளர் அல்லாத அப்படிப்பட்ட நண்பர்களுக்கு ஒரு விண்ணப்பம்:-  

நீங்கள் நிகழ்ச்சியில் பங்கு கொள்ள நான் சம்மதிக்கிறேன் என்று வைத்து கொள்ளுங்கள்….

ஸ்ரீவில்லிபுத்தூர் ஆண்டாள் தங்க விமான திருப்பணிக்கு என்று நீங்கள் என்ன கொடுக்க போகிறீர்கள் என்பதை தெளிவு படுத்தவும் / தெரிய படுத்தவும்…. அதனை வைத்து உங்கள் தேர்வை நான் முடிவு செய்து கொள்கின்றேன்… (தயவு செய்து நான் ஏற்கனவே ஆண்டாளுக்கு கொடுத்து விட்டேன் என கூற வேண்டாம்).

நிகழ்ச்சி பற்றிய சில குறிப்புகள்:-

  • நிகழ்ச்சி நடக்கும் இடத்தில் நுழைவு சீட்டு வாங்கி கொள்ளலாம் என்கின்ற எண்ணத்தை தவிர்த்து, நுழைவு சீட்டை உடனே வாங்கவும்.
  • அவரவர் வசதிக்கேற்ப தங்க இட வசதி செய்து தரப்படும் (அதற்குண்டான தொகையை தங்குபவர், தங்குமிடத்தில் நேரடியாக செலுத்தி விட வேண்டும்).
  • கேள்விகளை எழுதி எடுத்து வரவும்.

வாழ்க வளமுடன்

என்றென்றும் அன்புடன்

ஆண்டாள் பி. சொக்கலிங்கம்

Daily Tips